1975 jyldyŋ säuırınde Selinograd qalasynyŋ Jastar saraiynda bokstan «Burevestnik» erıktı sport qoǧamy respublikalyq keŋesınıŋ bırınşılıgı öttı. Būl jarystyŋ şejıresın fototılşı Nūrmūhamet İmamovtyŋ eskı suretı men jurnalist Qaiyrken Asauovtyŋ maqalasynan bıle alamyz.
Jalpy Jastar saraiy osy jarystyŋ ötkenınen bır jyl būryn ǧana, iaǧni 1974 jyly boi köterdı. Bokstan reportaj jazǧan jurnalist «Qalamyzdaǧy säulettı Jastar saraiy, mıne, sport saiysynyŋ da ordasyna ainaldy. Bügıngı talapqa sai jabdyqtalǧan onyŋ keŋ de jaryq sport zalynda tūŋǧyş öner körsetu qūrmetıne bylǧary qolǧap şeberlerı ie boldy» dep bastaidy maqalasyn. Soǧan qaraǧanda, atalmyş nysanda būl ūiymdastyrylǧan alǧaşqy jarystardyŋ bırı boluy kerek. Al osydan 47 jyl būrynǧy jarysqa elımızdıŋ joǧary oqu oryndary studentterı qatysqan.
Jastar saraiy da jaŋǧyrtylyp, jaŋa zamanda jaŋa keiıpke endı. Bügınde onyŋ ışınde türlı mädeni, sporttyq şaralar ūiymdastyrylyp, üiırmeler jūmys ısteidı. Al Nūr-Sūltan qalasy älemdık deŋgeidegı sport jarystaryn ötkıze alatyn deŋgeige jettı. Bas qalamyzda sport nysandary da köp. Mäselen, 2016 jyly elordada bokstan äielder arasynda älem chempionaty öttı. Sonyŋ qorytyndysynda Qazaqstan 4 altyn medal alyp, jalpykomandalyq esepte bırınşı oryndy jeŋıp aldy.
