Nūr-Sūltan qalasynda «Säkennıŋ önegelı joly» taqyrybynda ömırı men şyǧarmaşylyǧy ädıldık pen adaldyq qaǧidalarymen ūştasqan Säken Seifullinnıŋ ruhani-adamgerşılık mūrasyna arnalǧan dästürlı onlain adaldyq saǧaty öttı.
Säken Seifullin – memleket jäne saiasi qairatker, aqyn jäne jazuşy, qazırgı qazaq ädebietınıŋ negızın qalauşylardyŋ bırı. Ol qazaq halqynyŋ jandanuy men örkendeuı üşın öz ömırın qiǧan qazaq qairatkerlerınıŋ tobyna jatady. Säken Seifullinnıŋ san qyrly kürdelı bolmysyndaǧy erekşe qasietterınıŋ bırı – jas ūrpaqtyŋ bılım-ǧylymyna degen adaldyǧy. Halyq komissarlar keŋesınıŋ töraǧasy bolǧan kezınde bılım aluşy jastarǧa alǧaş ret şäkırtaqy taǧaiyndap, «qazaq jastary älemnıŋ myqty oqu oryndarynda bılım aluy tiıs» degen ideia köterdı. Jas ūrpaqty pariottyqqa, Otanyn süiuge, halyq tılegın ıs jüzıne asyruda qandai qauıp qaterden de qoryqpai, qiyndyqty jeŋe bıludı ülgı etude Säkendei tūlǧanyŋ orny erekşe.
