Elordada bügınde üş sport nysanynda jöndeu jūmystary men ekı jaŋa nysannyŋ qūrylysy jürgızılude. Būl turaly Nūr-Sūltan qalasynyŋ dene şynyqtyru jäne sport basqarmasy basşysynyŋ orynbasary Nariman Elamanov aitty.
– Jūmyspen qamtudyŋ jol kartasy aiasynda «Tolqyn» sport keşenınıŋ şatyryna kürdelı jöndeu jürgızıldı. Bügıngı taŋda ǧimaratta jöndeu jūmystary jürgızılude: aqtau, qabyrǧalardy tegısteu, ǧimarat ışın, kiım auystyratyn oryndardy qaita syrlau, – dedı Elamanov.
Sonymen qatar, «Qazaqstan» sport saraiyn ziiatkerlık tehnologiialardy qoldana otyryp jaŋǧyrtu jäne paidalanuǧa beru jobasy pysyqtalyp jatqanyn aitqan Nariman Elamanov «Astana Arena» stadionynda da jöndeu jūmystary jürıp jatqanyn jetkızdı. «Qazanat» ippodromynyŋ aumaǧynda ippoterapiia ädısımen mümkındıgı şekteulı balalardy oŋaltu üşın at sporty keşenın salu jäne paidalanuǧa beru boiynşa jūmystar jürgızılude. Nysan 250 adamǧa arnalǧan, 600 oryndyq tribunalary bar.
Bügıngı taŋda Nūr-Sūltanda Memleket basşysynyŋ «100 dene şynyqtyru-sauyqtyru keşenın salu» tapsyrmasy boiynşa, halyqty būqaralyq sportpen qamtu üşın İlinka, Köktal 2, Öndırıs, Jeleznodorojnyi tūrǧyn alaptarynda tört dene şynyqtyru-sauyqtyru keşenınıŋ qūrylysy josparlanǧan. Qazırgı uaqytta üş dene şynyqtyru-sauyqtyru keşenınıŋ qūrylysy jürıp jatyr.
Sondai-aq elordada velojoldardyŋ ūzyndyǧy da artyp keledı. Josparlanǧan 123 km joldyŋ 70 km-ı salynǧan. 2020 jyly – 46,4 km, 2021 jyly – 36 km, 2022 jyly – 40,7 km velojol salu josparlanǧan bolatyn.
