Elımızde äleumettık sala qyzmetkerlerıne barynşa qoldau körsetılıp otyr. Osyǧan orai «Tūrǧynüiqūrylysjinaq bankınıŋ» qūny 1 mln teŋge bolatyn 1000 sertifikatyn tapsyru bastamasy qolǧa alynǧan bolatyn. Sonyŋ alǧaşqy 100 sertifikaty keşe qala äkımı Altai Kölgınovtyŋ qatysuymen tabys etıldı.
– Bügınde qalamyzda 17 myŋ mūǧalım, 55 myŋ tärbieşı, 20 myŋ medisinalyq qyzmetkerler bar. Sondai-aq, millionnan asa tūrǧyny bar şaharda qūqyq qorǧau organdary qyzmetkerlerı qoǧamdyq tärtıptı saqtap otyr. Qalanyŋ tazalyǧymen ainalysatyn kommunaldyq şaruaşylyq eŋbekkerlerı bar. Olardyŋ jūmysyn baǧalauymyz qajet. Sondyqtan, memleket tarapynan atalǧan sala mamandaryna qoldau-qamqorlyq körsetuımız abzal, – dedı Nūr-Sūltan qalasynyŋ äkımı Altai Kölgınov.
Alǧaşqy 100 tūrǧyn üi sertifikaty osy äleumettık top müşelerıne tabys etıldı. Tamyz aiynan bastap mūndai sertifikattar köpbalaly analarǧa da berıle bastaidy.
