Tamyz aiynyŋ ekınşı jeksenbısınde elımızde qūrylysşylar künı atalyp ötıldı. Osy merekege orai elorda äkımı Altai Kölgınov qūrylysşylar qauymyn käsıbi merekesımen qūttyqtady.
«Elordamyz şaǧyn qaladan zamanaui megapoliske ainaldy! 20 jyl ışınde Nūr-Sūltannyŋ aumaǧy 3 ese artty, al qala tūrǧyndary 300 myŋnan 1 million 200 myŋ adamǧa deiın östı. Tiısınşe, tūrǧyn üilerge, joldarǧa, mektepterge, auruhanalarǧa jäne özge de äleumettık nysandarǧa degen qajettılık artuda. Qūrylysşylar qalany damytu josparyn ıske asyruǧa atsalysady! Olardyŋ kündelıktı qajyrly eŋbegınıŋ arqasynda qala ösıp, damyp keledı. Qūrylysşylar elordada jailylyqty qamtamasyz etu üşın jūmys ısteude» dep jazdy Nūr-Sūltan qalasynyŋ äkımı özınıŋ Instagram paraqşasynda.
Söz soŋynda qala basşysy qūrylysşylardy qūttyqtap, ystyq lebızın de arnady. «Qūrylys salasynyŋ qyzmetkerlerın käsıbi mereke – Qūrylysşylar künımen qūttyqtaimyn! Eren eŋbekterıŋızge alǧys bıldıremın! Elordada jaily ömır süru Sızderdıŋ jūmystaryŋyzben tıkelei bailanysty. Sızderge zor densaulyq, otbasylaryŋyzǧa amandyq jäne ärbır igı bastamalaryŋyzǧa tabys tıleimın!» dep tüiındedı qūttyqtau sözın A. Kölgınov.
