Bügın qala äkımdıgınde ötken mäslihat otyrysynda qala tırşılıgıne qatysty özektı mäseleler qaraldy.
Mäslihat otyrysynda negızgınen üş mäsele deputattar talqylauyna tüstı. Bırınşısı, azamattardyŋ jekelegen sanattaryna ambulatoriialyq emdelu kezınde tegın jäne jeŋıldıktı şarttarmen berıletın därılık zattardy, mamandandyrylǧan emdık önımderı, medisinalyq būiymdardy qosymşa beru turaly. Ekınşısı, elorda tūrǧyndaryna qala şegınen tys emdelu üşın biudjet qarajaty esebınen tegın jol jürudı ūsynu mäselesı qaraldy. Sonymen qatar qala äkımdıgınıŋ personaldy qūramyn kelısu turaly mäslihattyŋ būrynǧy şeşımıne özgerıster engızu jönınde aityldy.
Sondai-aq, mäslihat otyrysynda Nūr-Sūltan qalasy turizmın 2025 jylǧa deiıngı damytu baǧdarlamasynyŋ äzırlenıp jatqandyǧy söz bolyp, osy töŋırekte bırqatar deputtattar öz oilanyn ortaǧa saldy.
«Elordada qalalyq turizmdı damytu üşın jaǧdai jasalǧan. Endıgı maqsat – biudjetten bölıngen qarjatty dūrys jūmsau. Astanalyqtardy tolǧandyratyn taǧy bır basty mäsele tegın medinalyq kömektıŋ körsetıluı bolyp otyr. Qalada bügınde memlekettık jäne jeke sektorly medisinalyq nysandar jetkılıktı. Bıraq olardyŋ qyzmet körsetu sapasy köteru basty mäsele bolmaq. Bız osy mäselenı naqtyluymyz kerek. Būdan bölek, qala şetkeiındegı halyqty tegın medisinalyq kömekpen qamtu mäselesın mäslihattyŋ kezektı otyrysynda köteretın bolamyz», – dedı mäslihat deputaty Aqylbek Kürışbaev.
Joǧaryda aitylǧan mäseleler boiynşa qalalyq mäslihattyŋ kezektı sessiiasynda tiıstı zaŋnamalyq talaptarǧa sai şeşımder qabyldanatyn bolady.
