Tūŋǧyş Prezident künı qarsaŋynda Qazaqstan halqy assambleiasynyŋ etnojurnalistika salasyndaǧy respublikalyq «Şaŋyraq» şyǧarmaşylyq baiqauy qorytyndylandy.
Būl şara Qazaqstan halqynyŋ bırlıgın nyǧaitu jäne etnosaralyq qatynastar men mädenietaralyq ündestık salasyndaǧy memlekettık saiasattyŋ jetıstıkterın nasihattau maqsatynda ūiymdastyrylǧan. Respublikalyq baiqauǧa jurnalistermen bırge mädeniettanuşy ǧalymdar, sarapşylar da qatysty.
– Etnojurnalistika salasynda otandyq būqaralyq aqparat qūraldarynyŋ rölı men jauapkerşılıgın arttyrudy negızge alǧan konkursqa jetpısten astam jūmys kelıp tüstı. Qazaqstandyq patriotizmdı nyǧaituǧa, etnomädeni ortalyqtardyŋ qyzmetın tüsındıruge jäne memlekettık tıldıŋ rölın köteruge baǧyttalǧan maqalalar, tele-radiobaǧdarlamalar arasynan atalymy boiynşa üzdıkterın taŋdauǧa tyrystyq, – dedı qazylar alqasynyŋ müşesı L.Gumilev atyndaǧy EŪU Jurnalistika jäne saiasattanu fakultetınıŋ dekany Qairat Saq.
Biylǧy jarystyŋ jeŋımpazdary qatarynda Tatiana Jandildinova, Naǧaşybai Qabylbek, Iаroslav Krasienko, Mihail Paripsa, Nūrbek Ämişa, Janar Sailaubekqyzy, Dariia Bidanova esımderı atalyp, baǧaly syilyqtar tabys etıldı.
Aigül UAISOVA
