Astanada bokstan qyzdar arasyndaǧy qalalyq bırınşılık öttı. «EKSPO-2017» halyqaralyq körmesıne arnalǧan jarysta jüzge tarta jasöspırım būrymdylar öner körsettı.
Şarşy alaŋdaǧy jekpe-jekter qorytyndysynda qyzdar arasyndaǧy Astana qalasynyŋ qūramasy anyqtaldy. Jeŋımpazdar men jüldegerler endı respublikalyq bırınşılıkte baqtaryn synaityn bolady.
Aituly jarysta Astana qalasynyŋ №3 olimpiadalyq rezervtı balalar men jasöspırımder sport mektebınıŋ boksşy qyzdary jaqsy nätijege qol jetkızdı. Atap aitqanda, ardager jattyqtyruşy Aisūltan Jaqypbekov baptaityn alty boksşy qalalyq bırınşılıkte top jardy. Barlyq qarsylastarynan basym tüsken Botagöz Qadyrbekova, Baqnūr Jandarbek, Äigerım Toǧabaeva, Möldır Şaiynǧazina, Meruert İbragimova, Sanduǧaş Tubagulova öz salmaqtary boiynşa chempion atandy. Sondai-aq, Nūrsaia Maqsūtova kümıs jüldeger atandy.
