Nūr-Sūltanda balalar men jasöspırımder arasyndaǧy XV qalalyq «Şattyq-2022» şyǧarmaşylyq baiqauynyŋ jeŋımpazdaryn marapattau räsımı öttı. Biyl 115 bılım beru ūiymynan 4 myŋnan astam qatysuşy baq synaǧan baiqauda Nūr-Sūltan qalasy bılım mekemelerınıŋ üzdık jas muzykanttary, horeograftary, suretşılerı men tehnikalyq dizainerlerı jäne üzdık ūstazdar bar. Baiqaudyŋ maqsaty – balalar men jasöspırımderdıŋ şyǧarmaşylyq äleuetın damytyp, käsıbi bılıktılıgın joǧarylatuǧa kömektesu.
– Şaraǧa Nūr-Sūltan qalasyndaǧy 54 mektepten 171 bala qatysuda. Negızgı maqsaty – balalardyŋ önerge degen qūştarlyǧyn oiatu, sahnaǧa beiımdeu. Özderıŋız bıletındei, Prezident tapsyrmasyna säikes, biyl Balalar jyly dep jariialandy. Qasym-Jomart Toqaev aitqandai, balalarǧa erekşe nazar audaru kerek. Sebebı olardyŋ amandyǧy – memleketımızdıŋ jarqyn bolaşaǧynyŋ senımdı kepılı. Sondyqtan da bügıngı şara osyǧan bailanysty ötıp otyr, – dedı Nūr-Sūltan qalasy äkımdıgınıŋ «№1 öner mektebı» MKQK direktory Farhad Säbiev.
Al Dınasyl esımdı önerlı oquşy bolsa bolaşaqta ömırın şyǧarmaşylyqpen bailanystyratynyn jetkızdı.
– Men jarysqa bıraz uaqyt daiyndaldym, bıraq daiyndyq oŋaiǧa tüspedı. Bügın jaqsy öner körsettım dep oilaimyn. Baiqauǧa qatysqan sebebım Qazaqstannyŋ ūlttyq dombyraşysy bolǧym keledı. Osyndai jarystarǧa qatysyp, jüldelı oryndarǧa ie bolsam deimın, – dedı qatysuşy.
Qazylar alqasynyŋ müşesı, Qazaq ūlttyq öner universitetınıŋ oqytuşysy Däulet Tapenovtıŋ aituynşa, balalar men jasöspırımderdıŋ daiyndyǧy joǧary deŋgeide.
– Daryndy balalardy qoldauǧa arnalǧan baiqau jyl saiyn ötkızıledı. Būl balalardy şyǧarmaşylyqqa bauludyŋ jäne sahnaǧa degen süiıspenşılıgın oiatudyŋ tamaşa mümkındıgı dep sanaimyn. Ūiymdastyruşylarǧa alǧysymdy bıldıremın, – dedı ol.
Jetı kün boiy şyǧarmaşylyq ūjymdar men jeke oryndauşylar «horeografiia», «aspaptyq janr/jeke oryndauşylyq», «aspaptyq janr/ansamblder», «vokaldyq janr/jeke oryndauşylyq», «vokaldyq janr/ansamblder», «hor», «teatr önerı», «vokal janry / ansamblder», «3d modeldeu» nominasiialary boiynşa qatysty.
– Būl baiqau aptalyǧy qyzu ärı tartysty öttı. Festivalde qatysuşylar özderınıŋ joǧary körkemdık deŋgeiı men şeberlıgın körsettı. Menıŋ oiymşa, qazylar alqasyna üzdıkterdı taŋdau qiynǧa soqty. Osyndai auqymdy ıs-şaraǧa qatysu – ülken jetıstık, – dedı Nūr-Sūltan qalasy Bılım basqarmasy kämeletke tolmaǧandardy qosymşa bılım beru jäne äleumettendıru bölımınıŋ basşysy Gülfara Sarambetova.
Festivaldıŋ jabyluyna orai 30 säuırde gala-konsert ötedı.
