Astana qalasy äkımdıgınıŋ qoldauymen qalada şort-trekten «ASTANA-OPEN» aşyq qala chempionaty bastalyp, oǧan elımızdıŋ bes öŋırınen kelgen sportşylar qatysuda.
«Alau» mūz saraiynda ötkızılıp jatqan chempionatty qalalyq Dene şynyqtyru jäne sport basqarmasy ūiymdastyrdy.
– Balalar jyly aiasynda ötkızılıp otyrǧan chempionatqa 2009 jyly tuǧan jäne odan ülken jastaǧy jetkınşekter qatysty. Jarystyŋ maqsaty – qysqy sport türlerın, onyŋ ışınde şort-trektı damytu, sportty nasihattau. Elımızdıŋ bes öŋırınen kelgen balalar ekı kün boiy naǧyz üzdıkterdı anyqtady, – dedı №2 balalar men jasöspırımderdıŋ mamandandyrylǧan sport mektebınıŋ basşysy Bauyrjan Saharbaev.
Būl jarysqa elımızdıŋ Kökşetau, Qostanai, Qyzylorda, Soltüstık Qazaqstan oblysy jäne Astana qalasynan 163 qatysuşy tırkeldı.
Sonymen qatar jarysqa halyqaralyq därejedegı sport şeberı, Älem kubogy men Älem bırınşılıkterınıŋ jüldegerı, jaqynda ǧana şort-trekten ötken älem kubogy kezeŋınde kümıs jülde alǧan Abzal Äjıǧaliev qūrmettı qonaq retınde qatysty.
Jeŋımpazdar är jas tobyndaǧy jäne är qaşyqtyq boiynşa jeke bırınşılıkterde anyqtalady. Būl chempionatta aldaǧy qysqy mausymǧa üzdık sportşylardan tūratyn Astana qalasynyŋ qūrama komandasy jasaqtaldy.
