Memleket basşysy Qasym-Jomart Toqaev resmi saparmen Fransiiaǧa bardy. Qazaqstan basşysyn Parijdıŋ Elisei saraiynda resmi qarsy alu räsımı öttı. Saltanatty räsımnen keiın Qasym-Jomart Toqaev Fransiia Prezidentı Emmaniuel Makronmen keŋeitılgen qūramda kelıssöz jürgızdı.
Kezdesu barysynda Qasym-Jomart Toqaev Fransiiaǧa resmi saparmen keluge şaqyrǧany jäne Qazaqstan Prezidentı lauazymyna qaita sailanuyna orai qūttyqtaǧany üşın Emmaniuel Makronǧa alǧys aitty.
Memleket basşysy būl sapar ekı el arasyndaǧy strategiialyq serıktestıktı nyǧaityp, qarym-qatynasty jaŋa deŋgeige köteruge zor mümkındık beretının atap öttı.
Fransiia 2005 jyldan berı Qazaqstan ekonomikasyna jalpy kölemı 17 milliard dollar investisiia qūiyp, eŋ ırı bes investor eldıŋ qataryna kırdı. Soŋǧy 9 aida ekıjaqty tauar ainalymy 2,5 milliard dollarǧa jettı. Būl byltyrǧy osy kezeŋmen salystyrǧanda 6,1 paiyzǧa joǧary. Fransiianyŋ Ortalyq Aziia elderımen jasaǧan sauda-sattyǧynyŋ 90 paiyzy Qazaqstanǧa tiesılı. Ekı memleket energetika, tau-ken öndırısı, jeŋıl önerkäsıp, qūrylys, aeroǧaryş, maşina jasau, densaulyq saqtau jäne tamaq önerkäsıbı salalarynda tiımdı jobalardy bırlesıp jüzege asyryp keledı. Qazaqstanda 170-ten astam fransiialyq kompaniia men bırlesken käsıporyn jūmys ısteidı. Olardyŋ arasynda ekonomikamyzdyŋ jetekşı investorlary sanalatyn Total Energies, Air Liquide, Airbus, Alstom, Orano jäne Danone sekıldı kompaniialar bar. Byltyr elderımız Sauda-ekonomikalyq jäne investisiialyq yntymaqtastyqtyŋ 2030 jylǧa deiıngı jol kartasyn bekıttı.
Kelıssöz barysynda Qasym-Jomart Toqaev elımızde jürgızılıp jatqan saiasi jäne ekonomikalyq jaŋǧyru üderısı jönınde aitty.
Öz kezegınde Emmaniuel Makron Qazaqstan Fransiianyŋ strategiialyq serıktesı ekenın atap öttı. Ekı el arasynda sauda-ekonomikalyq yntymaqtastyq qarqyndy damyp keledı. Energetika salasynda bırlesken jobalar jüzege asyrylyp jatyr. Europalyq Odaq Qazaqstandaǧy türlı jobalarǧa investisiia salyp keledı.
Sonymen qatar Emmaniuel Makron 2024 jyly Qazaqstanda fransuz tılınde oqytatyn jaŋa mektepter aşylatynyn aitty. Fransiia Prezidentı Qazaqstanda jürgızılıp jatqan reformalarǧa qoldau bıldırdı.
Taraptar ekı eldıŋ bılım jäne mädeniet salalaryndaǧy bailanystaryn nyǧaitu jönınde pıkır almasyp, halyqaralyq kün tärtıbındegı özektı mäselelerdı jäne Ortalyq Aziia öŋırındegı jaǧdaidy talqylady.
Kezdesu soŋynda Qasym-Jomart Toqaev Emmaniuel Makrondy Qazaqstanǧa saparmen keluge şaqyrdy.
Memleket basşysy Fransiiaǧa resmi sapary aiasynda Fransuz halyqaralyq qatynastar institutynyŋ prezidentı ärı negızın qalauşy Terri de Monbrialmen kezdestı.
Qasym-Jomart Toqaev Europanyŋ eŋ yqpaldy saraptama ortalyqtarynyŋ bırı sanalatyn Fransuz halyqaralyq qatynastar institutynyŋ (IFRI) bedelı turaly habardar ekenın, al Terri de Monbrialdı belgılı saiasattanuşy ǧalym retınde bıletının atap öttı.
Äŋgımelesu barysynda olar özektı geosaiasi mäseleler men älemdegı prosesterdıŋ damu perspektivalary jönınde pıkır almasty.
Memleket basşysy Fransiia Senatynyŋ töraǧasy Jerar Larşemen kezdestı.
Memleket basşysy Fransiiaǧa jasaǧan resmi sapary aiasynda Fransiia Respublikasynyŋ Senatyna bardy.
Prezident Qasym-Jomart Toqaevty Senat ǧimaratynyŋ aulasynda Jerar Larşe özı qarsy aldy. Sodan keiın Memleket basşysy men Senat spikerı sap tüzep tūrǧan Qūrmet qarauylynyŋ aldymen jürıp öttı.
Kezdesu barysynda Qasym-Jomart Toqaev Parijge jasaǧan resmi sapary aiasynda qol jetkızılgen uaǧdalastyqtar ekı el arasyndaǧy köpjaqty yntymaqtastyqqa tyŋ serpın beretınıne senım bıldırdı.
Memleket basşysynyŋ aituynşa, Emmaniuel Makronmen jürgızılgen kelıssöz Qazaqstan men Fransiia arasyndaǧy serıktestıktıŋ strategiialyq sipatyn rastady. Sauda-ekonomikalyq yntymaqtastyqty damytuǧa, energetika jäne kölık-logistika salalaryna investisiia tartu mäselesıne erekşe nazar audaryldy.
Prezident ekı memleket arasyndaǧy parlamentaralyq bailanystardy nyǧaitudyŋ maŋyzdylyǧyn atap öttı. Osyǧan bailanysty Qasym-Jomart Toqaev Senat spikerın Qazaqstanǧa saparmen keluge şaqyrdy.
Jerar Larşe elımızde jürgızılıp jatqan saiasi jäne ekonomikalyq reformalardy joǧary baǧalady. Ol Qazaqstan men Fransiia arasyndaǧy yntymaqtastyqty damytu üşın özara belsendı ıs-äreket jürgızuge daiyn ekenın jetkızdı.
Kezdesu soŋynda Prezident Fransiia Senatynyŋ Qūrmettı qonaqtar kıtabyna estelık qoltaŋba qaldyrdy.
Qasym-Jomart Toqaev Fransiianyŋ ırı kompaniialary basşylarymen bırqatar ekıjaqty kezdesu ötkızdı.
Memleket basşysy Fransiianyŋ atom önerkäsıbı, energetika, önerkäsıptık gazdardy öndıru, kölık jäne basqa da salalardaǧy ırı kompaniialarynyŋ basşylarymen ekıjaqty kezdesuler ötkızdı.
Qasym-Jomart Toqaev Électricité de France (EDF) kompaniiasynyŋ bas direktory Liuk Remonmen kezdesude atom energetikasy salasyna ozyq tehnologiialardy engızu mäselesın talqylady.
Prezident qazaqstandyq mamandar atom energetikasy salasyndaǧy älemdık jetekşı kompaniialardyŋ ozyq tehnologiialaryn zerttep jatqanyn jetkızdı.
Sondai-aq olar jaŋartylatyn quat közderı salasyndaǧy bırlesken jobalardy jüzege asyru perspektivalaryn qarastyrdy.
Būdan keiın Memleket basşysy Air Liquide kompaniiasynyŋ prezidentı Fransua Jakovty qabyldady.
Prezidentke Air Liquide kompaniiasynyŋ Qazaqstandaǧy jobalarynyŋ jüzege asyrylu barysy jäne aldaǧy jospary jönınde mälımet berıldı.
Fransua Jakov Qasym-Jomart Toqaevqa tehnikalyq gaz öndıru salasyna mamandanǧan Air Liquide kompaniiasy būǧan deiın Qazaqstanda jalpy investisiia kölemı 120 million euro bolatyn bırneşe jobany jüzege asyrǧanyn aitty.
Atap aitqanda, «Er Likid Mūnai Teh Gazy» bırlesken käsıporny Atyrau men Pavlodardaǧy mūnai öŋdeu zauyttarynyŋ bazasynda tehnikalyq gaz öndırısın jolǧa qoiyp, Atyrau oblysyndaǧy polipropilen öndıretın KPI.Inc gaz-himiia keşenı üşın syǧymdalǧan aua men azot öndıretın qondyrǧy salǧan.
«Orano S.A.» kompaniiasy direktorlar keŋecınıŋ töraǧasy Klod İmoven kezdesu barysynda atom önerkäsıbın damytu mäselelerı talqylandy. Qasym-Jomart Toqaevqa kompaniianyŋ Qazaqstanda atqaryp jatqan jūmysynyŋ qazırgı nätijelerı men aldaǧy jospary tanystyryldy.
Klod İmoven KATCO bırlesken käsıporny Qazaqstanda bır jylda öndırıletın urannyŋ 15 paiyzyn jäne älemdık öndırıstıŋ 7 paiyzyn öndıretının mälımdedı.
Memleket basşysy Emmanuel Makronmen kelıssöz barysynda Qazaqstan men Fransiia arasyndaǧy uran salasyndaǧy yntymaqtastyq mäselelerı talqylanǧanyn jetkızdı.
Sonymen qatar Qasym-Jomart Toqaev «Alstom» kompaniiasy direktorlar keŋesınıŋ töraǧasy jäne bas atqaruşy direktory Anri Pupar-Lafarjdy qabyldady. Kezdesu barysynda Memleket basşysyna kompaniianyŋ investisiialyq jobalary turaly mälımet berıldı.
«Alstom» kompaniiasy jaqyn arada jyljymaly qūram men temırjol infraqūrylymyna arnalǧan elektrovozdar men jabdyqtar şyǧaru, servistık qyzmet körsetu jobalaryn ıske asyruǧa 50 million euro investisiia saluǧa niettı. Astana, Almaty qalalarynda, sondai-aq Jambyl jäne Türkıstan oblystarynda servistık ortalyqtar aşu josparlanyp otyr.
Condai-aq Anri Pupar-Lafarj kompaniia osy jobalardy jüzege asyru barysynda myŋnan asa jergılıktı mamandy daiarlaitynyn jetkızdı.
Būdan keiın Prezident «Total Energies» direktorlar keŋesınıŋ töraǧasy jäne bas atqaruşy direktory Patrik Puiannemen kezdestı.
Memleket basşysy Emmaniuel Makronmen kelıssöz barysynda Total kompaniiasyna airyqşa män berılgenın atap ötıp, kompaniia elımızdıŋ Fransiiamen strategiialyq serıktestıgınde maŋyzdy röl atqaratynyn jetkızdı.
Patrik Puianne «Total Energies» kompaniiasy bızdıŋ elımızge 12 mlrd dollar investisiia salǧanyn aityp, aldaǧy uaqytta da eŋ ırı investorlardyŋ bırı bolatynyna senım bıldırdı.
Olar sondai-aq Qazaqstannyŋ energetika sektoryndaǧy yntymaqtastyq mäselelerın jan-jaqty talqylady. Kompaniia quaty 1 GVt bolatyn jel elektr stansiiasyn saluǧa niettı. Nysan 2026-2027 jyldary Qazaqstannyŋ oŋtüstık-şyǧysynda paidalanuǧa berıledı. Jobanyŋ boljamdy qūny – 1,9 milliard dollar. National Emblem of Kazakhstan.
Prezident Fransiianyŋ jetekşı kompaniialarynyŋ basşylarymen kezdestı.
Şaraǧa Total Energies, Orano, Saint Gobain, Boehringer Ingelheim France, Soufflet Group, BPI France, Vicat, Syctom, Pellenc, FICT mal şaruaşylyǧy qauymdastyǧy, Total Eren, PCM, Safran, Thales, Groupe EDF, Assystem, Alstom, Evolution International, MHB SAS, Exa International, Airbus, Rungis – Semmaris, MBDA, SOPREMA, Lui Vikat jäne basqa da ırı kompaniialardyŋ basşylary qatysty.
Memleket basşysy öz sözınde halyqaralyq qoǧamdastyq bügınde kürdelı geosaiasi jäne ekonomikalyq mäselelermen betpe-bet kelıp otyrǧanyn atap öttı. Onyŋ aituynşa, jaŋa syn-qaterler jaŋa mümkındıkterge jol aşady. Qiyn-qystau kezeŋ – bailanys ornatyp, serıktestıktı damytu üşın qolaily uaqyt.
– Bız ortaq ekonomikalyq jäne saiasi müddelerımızdı odan ärı ılgerıletu üşın Fransiiamen jäne jalpy Europamen aradaǧy qarym-qatynasty jolǧa qoiǧymyz keledı, – dedı Qasym-Jomart Toqaev.
Memleket basşysy Qazaqstan erkın jäne bäsekege qabılettı naryqtyq ekonomikany nyǧaitudy közdep otyrǧanyn atap öttı. Sondai-aq monopoliiadan arylu Qazaqstandy quatty, bäsekege qabılettı jäne investorlarǧa tartymdy etedı dep sanaidy. Ol biznes ahualdy jaqsartu üşın zaŋnamaǧa odan ärı tiıstı özgertulerdı engızuge daiyn ekenın jetkızdı.
Memleket basşysy Fransiia Qazaqstannyŋ negızgı ekonomikalyq ärıptesterınıŋ bırı ekenın atap öttı.
– Biylǧy toǧyz aida Qazaqstan men Fransiia arasyndaǧy tauar ainalymy 12 paiyzǧa östı. Bügınde 170-ten astam fransuz kompaniiasy, sonyŋ ışınde Total Energies, Orano, Airbus, Vicat, Air Liquide, Alstom, Saint-Gobain jäne basqalary Qazaqstanda tabysty jūmys ıstep jatyr. Olardyŋ barlyǧy Qazaqstan ekonomikasyna eleulı üles qosyp keledı. Fransiianyŋ Qazaqstandaǧy Sauda ökıldıgın qūru yntymaqtastyǧymyzdy nyǧaituǧa öz septıgın tigızer edı dep sanaimyn. Bız onyŋ tezırek qūrylǧanyn qūptaimyz. Sondai-aq fransuz kompaniialaryn elımızdıŋ investisiialyq mümkındıkterın qarastyruǧa şaqyramyn. Jiynǧa qatysuşylardyŋ bärıne Qazaqstan qauıpsız jäne tūraqty investisiialyq orta qalyptastyruǧa kepıldık beretının nyq senımmen aita alamyn, – dedı Memleket basşysy.
Qasym-Jomart Toqaev kezdesuge qatysuşylarǧa investisiialyq yntymaqtastyqtyŋ keleşegı mol baǧyttary turaly egjei-tegjeilı aitty.
– Bız agroönerkäsıp keşenın damytyp jatyrmyz. Onyŋ öndırıs kölemın 2,5 ese ūlǧaitu jäne eksportymyzdyŋ kölemın ekı ese arttyru josparlanyp otyr. Tiısınşe, bız auyl şaruaşylyǧy önımderın tereŋ öŋdeuge salynatyn investisiiany yntalandyramyz jäne Fransiianyŋ azyq-tülık öndıruşılerın osyǧan bailanysty investisiialyq mümkındıkterdı qarastyruǧa şaqyramyz. Bız osyndai jobalarǧa jan-jaqty qoldau körsetuge daiynbyz. Ekınşıden, būl – yntymaqtastyq ornatuǧa zor äleuetı bar ekonomikanyŋ naqty sektory. Bız tabiǧi resurstar qory boiynşa älemde altynşy jäne tau-ken öndırısınıŋ jalpy kölemı boiynşa (mūnai men gazdy qospaǧanda) onynşy oryndamyz. 2040 jylǧa qarai asa maŋyzdy materialdar men sirek kezdesetın metaldarǧa degen älemdık sūranys tört ese artady dep boljanyp otyr. Ükımet qajettı qoldau körsetuge daiyn. Bız kompaniialar özderınıŋ ozyq täjıribelerın, nou-hauyn jäne jaŋa tehnologiialaryn äkeledı dep ümıttenemız, – dedı Prezident.
Sonymen qatar Memleket basşysy energetika, kölık jäne logistika, sifrlandyru salalaryndaǧy yntymaqtastyq perspektivalaryna toqtaldy.
Prezident Qazaqstan men Fransiia arasyndaǧy ekonomikalyq serıktestık barlyq salada ärtaraptanyp, keŋeie beretınıne senım bıldırdı.
– Bügıngı konstruktivtı dialog biznestı örkendetuge jäne ortaq damuǧa niettı ekenımızdı taǧy da naqtylauǧa mümkındık beredı. Menıŋ äkımşılıgım fransuz kompaniialaryna öŋırdegı ekonomikasy eŋ qarqyndy damyp kele jatqan elderdıŋ bırınde biznes jürgızuı üşın barlyq qajettı qoldau körsetuge daiyn, – dedı Memleket basşysy.
Kezdesu barysynda Qazaqstan-Fransiia ıskerlık keŋesınıŋ teŋ töraǧasy İv-Lui Darrikarrer, Syrtqy sauda, ekonomikalyq tartymdylyq jäne şeteldegı fransuz azamattarynyŋ ısterı jönındegı ministr-delegat, Qazaqstan-Fransiia Ükımetaralyq komissiiasynyŋ teŋ töraǧasy Olive Beşt, Airbus kompaniiasynyŋ atqaruşy vise-prezidentı Van Verş, Thales kompaniiasynyŋ vise-prezidentı Marion Parada, Vicat kompaniiasynyŋ prezidentı Gi Sidos, Safran kompaniiasynyŋ aǧa vise-prezidentı Stefan Rollan, Saint-Gobain kompaniiasynyŋ aǧa vise-prezidentı Patrik Diupin, PCM prezidentı Mario Martinoni, Soufflet Group kompaniiasynyŋ bas direktory Kristof Passeland, Boehringer Ingelheim France ökılı Naidjel Svift jäne Evolution International kompaniiasynyŋ biznestı damytu jönındegı direktory Siril Djoss söz söiledı.
