Astana qalasy äkımı apparatynyŋ baspasöz qyzmetınıŋ habarlauynşa, Konstitusiia künı qaladaǧy sauda ortalyqtarynda şou-konsertter ötıp, tauarlarǧa jeŋıldıkter jasalady.
Atap aitqanda, mereke künı «Hanşatyrda» «Hantalapai» ūlttyq oiyny oinatylyp, syilyqtar tabystalady. 31 tamyzda «Kök türkıler» ūlttyq orkestrı qonaqtardyŋ delebesın qozdyryp, qūlaq qūryşyn qandyrmaq.
30 tamyz künı «MEGA Astana» SOO-da baǧaly syilyqtar tıgılgen viktorinalar men bırneşe oiyndar ūiymdastyrylyp, konsert qoiylady. Balalarǧa akvagrim jasatu jäne estelıkke fotosuretke tüsu tegın bolady.
«Saryarqa» ortalyǧynda 7-8 jastaǧy 7 konkursanttyŋ qatysuymen şou ötedı. Şaraǧa qatysuşylar özderın tanystyryp, töl tuyndylaryn körsetıp, önerlerın ortaǧa salady. Sonymen qatar, keluşılerge ortalyqta tauarlardy jeŋıldıkpen satyp aluǧa mümkındık tuady.
Mereke aiasynda «Keruen» SOO «Mektepke jol» aksiiasy aiasynda az qamtylǧan otbasylardan şyqqan balalarǧa kömek körsetılmek. Būl künderı ortalyqqa keluşılerge jaŋa toptamalar ūsynylatyn bolady.
«Aziia Park» SOO-da änşı Adam jäne basqa da öner jūldyzdary men bi ūjymdarynyŋ konserttık baǧdarlamasy ötedı. 31 tamyz künı «Azia Park Live Muzic» saz keşı ötse, 1 qyrküiekte konserttık baǧdarlama qoiylyp, baǧaly syilyqtar oinatylady. Sonymen qatar, keluşıler känıgı aspazdyq şeberlık synybyna qatysyp, oiyn zalynda sauyq qūrularyna bolady.
«Arsenal» kinoteatrynda 30, 31 tamyz, 1 qyrküiek künderı «Menıŋ Qazaqstanym» atty balalardyŋ suret baiqauy ötıp, kinoteatrda merekelık filmder körsetıledı.
«Arujan» – Astana qalasynyŋ änşılerı men bişılerınıŋ konserttık baǧdarlamasyn ūsynady.
