Qazaqstan Respublikasy Prezidentı Äkımşılıgı jergılıktı atqaruşy organdarda boluy tiıs basqarmalardyŋ tızımın bekıttı. Soǧan säikes Nūr-Sūltan qalasyn basqaru täsımıne özgerıster engızıldı. Keşe qalalyq mäslihattyŋ kezekten tys sessiiasynda būl turaly aitqan Strategiialyq jäne biudjettık josparlau basqarmasynyŋ basşysy Qaisar Maŋqaraev deputattardy tiıstı özgerıstermen tanystyrdy. Sessiiaǧa qala äkımınıŋ orynbasary Nūrlan Nūrkenov qatysty.
QALALYQ BASQARMALAR KÖBEIEDI
Baiandamaşynyŋ aituynşa, keibır funksiialardy jäne ökılettıkterdı bölu nemese beru arqyly Qūrylys basqarmasy, Tūrǧyn üi jäne tūrǧyn üi inspeksiiasy basqarmasy, Mädeniet basqarmasy, Dene şynyqtyru jäne sport basqarmasy, Jastar saiasaty mäselelerı basqarmasy, Dın ısterı basqarmasy qūrylady. Jaŋadan Sifrlandyru jäne memlekettık qyzmetter basqarmasy aşylady. Strategiialyq jäne biudjettık josparlau basqarmasynyŋ atauy Ekonomikalyq jäne biudjettık josparlau basqarmasy bolyp özgeredı. Qoǧamdyq damu ısterı basqarmasy Işkı saiasat basqarmasy bolyp qaita atalady. Özge qalalyq basqarmalar būrynǧy küiınşe qalady.
Qorytyndysynda qala äkımınıŋ apparaty, tört audan äkımderınıŋ apparaty jäne 22 qalalyq basqarma jūmys ısteidı. Mūndaǧy basqarmalar sany tört basqarmaǧa köbeiıp otyr. Memlekettık organdar ştaty el Ükımetı bekıtken limitke säikes 941 adam bolady.
KÖŞE ATAULARY BEKITILDI
Ükımet janyndaǧy respublikalyq onomastikalyq komissiia Nūr-Sūltan qalasynyŋ tiıstı komissiiasyna kelıp tüsıp, jergılıktı orynda maqūldanǧan ataulardy da qarap, bekıtıp berdı. Osyny mälımdegen Tılderdı damytu jäne arhiv ısı basqarmasynyŋ basşysy Tıleuǧali Qyşqaşbaev qandai ataular ūsynylǧanyn aityp öttı.
Atap aitqanda, Baiqoŋyr audanyndaǧy atausyz alaŋǧa «Qalamgerler» alleiasy atauyn beru, Esıl audanyndaǧy «Arai» saiabaǧyn «Jetısu» saiabaǧy dep qaita atau, qalanyŋ jobalyq köşelerıne ataqty qolbasşy Raiymbek batyrdyŋ, auyr atletikadan älem jäne Europa chempiony Anatolii Hrapatyidyŋ, Qazaqstannyŋ Eŋbek Erı, Qazaqstannyŋ halyq jazuşysy, memleket jäne qoǧam qairatkerı Äbış Kekılbaiūlynyŋ, körnektı aqyn, halyq jazuşysy Fariza Oŋǧarsynovanyŋ, Halyq qaharmany Qasym Qaisenovtıŋ, tehnika ǧylymdarynyŋ doktory, professor, akademik Äbıken Bektūrovtyŋ, joŋǧar şapqynşylyǧyna qarsy qol bastaǧan batyr Bäidıbek Qaraşaūlynyŋ, tarihi tūlǧa Qarameŋdı batyrdyŋ, Töle, Qazybek, Äiteke bilerdıŋ, memleket jäne qoǧam qairatkerlerı Maqsūt Närıkbaev pen Fazyl Kärıbjanovtıŋ esımderın beru ūsynyldy.
Būǧan qosa, keibır köşelerdı bırıktıru arqyly Keŋes odaǧynyŋ batyry, Halyq qaharmany, Qazaqstan Respublikasynyŋ tūŋǧyş Qorǧanys ministrı, armiia generaly Saǧadat Nūrmaǧambetovtıŋ, älemge äigılı oişyl, filosof äl-Farabidıŋ esımderı berıletın boldy.
JYLUMEN JABDYQTAU SYZBASY ÄZIRLENDI
Juyrda Nūr-Sūltan qalasyn 2030 jylǧa deiıngı jylumen jabdyqtau syzbasy äzırlendı. Būl qūjatty qalalyq Säulet, qala qūrylysy jäne jer qatynastary basqarmasynyŋ tapsyrysymen «Astana Bas jospary» ǦZJİ» JŞS äzırledı. Osy turaly atalmyş basqarmanyŋ basşysy Nūrlan Ūranhaev mälımdedı. Syzbany tolyǧyraq «Astana Bas jospary» ǦZJİ» JŞS direktorynyŋ injenerlık mäseleler jönındegı orynbasary Bolat Däuletov tanystyrdy.
«Syzba soŋǧy ret bekıtılgen qalanyŋ bas jospary negızınde äzırlendı. Būl jobany şartty türde bes bölıkke bölıp äzırledık. Bırınşıden, qazırgı jaǧdaiǧa taldau jasadyq. Ekınşıden, 2030 jylǧa deiın qalaǧa qajet bolatyn jylu energiiasy mölşerın saraladyq. Üşınşıden, jylu quatynyŋ jetıspeuşılıgın anyqtadyq. Törtınşıden, osy jetıspeuşılıktı joiu üşın qalanyŋ jylumen jabdyqtau jüiesın damytudyŋ jetı nūsqasyn qarap, salystyrdyq. Besınşıden, osynyŋ bärın saraptai kele, tiıstı qorytyndy şyǧardyq» dedı B.Däuletov.
Qazırgı kezde qalany jylumen jabdyqtau jūmysy ekı negızgı jüiege negızdelgen. Būl ortalyqtandyrylǧan jäne ortalyqtandyrylmaǧan bolyp bölınedı. Ortalyqtandyrylǧan jylu jüiesımen qamtudy ekı kompaniia – «Astana-Energiia» AQ pen «Astana-Teplotranzit» AQ jüzege asyrady. Olar şahardy 78 paiyzǧa jylumen qamtyp otyr.
Bır kün būryn ötken qalalyq mäslihattyŋ tūraqty komissiialarynyŋ bırlesken otyrysynda deputat Ramziia Ömırbaeva «Şūbar» şaǧyn audanyn jäne «Komsomolskii» tūrǧyn alabyn jylumen qamtu mäselesın köterdı.
«Şūbar» bas josparǧa säikes sürıluı kerek. Bıraq būl jūmys ūzaqqa sozylatynyn bärımız bılemız. Sondyqtan şaǧyn audanǧa äzırge gaz äkelu turaly şeşım şyǧaryldy. Al «Komsomolskiidı» jylumen qamtudy syzbaǧa säikes bolaşaqta 100 paiyzǧa jetkızemız» dedı būl sūraqqa jauap bergen B.Däuletov.
TARİF NEGE KÖTERILEDI?
Nūr-Sūltan qalasynda qatty tūrmystyq qaldyqtardy jinau, şyǧaru, kädege jaratu, qaita öndeu jäne kömudıŋ qazırgı tarifı şyǧyndardyŋ 80 paiyzyn ötemeidı. Sondyqtan ılgerıde tiıstı komissiia qūrylyp, tariftı köteru mäselesın qarady. Būl turaly aitqan Qorşaǧan ortany qorǧau jäne tabiǧatty paidalanu basqarmasynyŋ basşysy Nūrbol Nūrsaǧatov osy mäsele boiynşa baiandama jasady.
Qalada qatty tūrmystyq qaldyqtardy şyǧarumen ainalysatyn «Clean City NC» JŞS bastapqyda tarif retınde 766 teŋgenı ūsyndy. Alaida tiıstı esepteu jūmystarynan keiın, atap aitqanda janar-jaǧar mai baǧasy, jūmyskerlerdıŋ jalaqysy, t.b. osy siiaqty ärtürlı şyǧyndardy eseptegende abattandyrylǧan, iaǧni köppäterlı üilerdıŋ tūrǧyndaryna qoqys şyǧaru tarifı bır adamǧa aiyna – 390 teŋge, jeke üiler tūrǧyndaryna – 414 teŋge, zaŋdy tūlǧalarǧa 1 tekşe metr üşın 2144 teŋge bolyp bekıtu ūsynyldy. Sonyŋ ışınde zeinetkerler men ekınşı top mügedekterıne – 25 paiyz, köpbalaly analarǧa men bırınşı top mügedekterıne 50 paiyz jeŋıldık berıledı. Ūly Otan soǧysy qatysuşylary tölemnen mülde bosatyldy. Būrynǧy tarif 246 teŋge bolǧanyn aita keteiık.
Qalalyq mäslihat deputattary ūsynystardyŋ bärın maqūldady. Talqylau kezınde deputat Aqylbek Kürışbaev qatty tūrmystyq qaldyqtar tarifın köp ötpei qaita qaramaityndai etıp bekıtu kerektıgıne nazar audardy.
Sessiia soŋynda bır top qalalyq mäslihat deputaty men audan äkımderı «Qazaqstan mäslihattaryna – 25 jyl» mereitoilyq medalderımen marapattaldy. Mäslihat hatşysynyŋ mındetın atqaruşy Mäjit Şaidarov barşany kele jatqan Jaŋa jylmen qūttyqtady.
