Keşe Astana qalasy Bılım basqarmasynyŋ «Astana daryny» öŋırlık ǧylymi-praktikalyq ortalyǧynyŋ ūiymdastyruymen
№62 mektep-liseide ūstazdar qauymyna arnalǧan «Şūǧyla» festivalı öttı.
Şaranyŋ maqsaty – elordalyq bılım beru mekemelerınde ter tögıp jatqan ūstazdar eŋbegın jūrtşylyqqa körsetu, inemen qūdyq qazǧan mūǧalımderdıŋ imidjın köteru, laiyqty baǧasyn beru edı.
Osyndai qūrmetke ie bolyp otyrǧan bılım mekemelerı qatarynda qalalyq, respublikalyq jäne halyqaralyq olimpiadalar men ǧylymi, intellektualdyq jarystarda top jaryp, jüldelı oryndardy ielengen, London qalasynda ötken bılım saiysynda üzdık jetıstıkterı üşın «Altyn täj» iegerı atanǧan №38 mektep-liseiı, «Ūrpaqqa ūlaǧat» baǧdarlamasy boiynşa san salada köş bastaǧan №40 orta mektep, er balalarǧa arnalǧan qazaq-türık liseilerı, daryndy balalarǧa arnalǧan «Zerde» mektepterı bar.
Festivaldı ötkızuge ūiytqy bolǧan «Astana daryny» ortalyǧy direktorynyŋ orynbasary Gülmira Myrzalieva «Jarqyn bolaşaǧymyzdyŋ mūragerı jastar desek, jastarǧa dūrys bılım men tärbie beru – mūǧalımderge jüktelgen auyr mındet. Osy sebeptı būl festival elordalyq bılım mekemelerınıŋ üzdık degen 408 joǧary sanatty pedagogınıŋ qūrmetıne ötkızılude» dep, ūstazdar qauymyn qūttyqtap, ızgı tılekterın jetkızdı.
Al, №63 orta mekteptıŋ mūǧalımı Alma Mükinova eŋbekterınıŋ elenıp, saltanatty türde qūrmet körsetılıp jatqanyna şyn rizaşylyǧyn bıldırıp, jetken jetıstıkterınen alda alar asularynyŋ köp ekenın aitty. Ūstazdyq qyzmetke 30 jylyn sarp etken, özı qazaq küresı men dziudodan sport şeberı M.Musin: «Aziia chempionatynda 2012 jyly qola jüldesın alǧan şäkırtım N.Adambek – dziudodan elımızdıŋ 4 dürkın chempiony» dep, şäkırtterınıŋ Astana abyroiyna özındık üles qosyp jatqanyn äŋgımeledı.
Osylaişa ūstazdardy ūlyqtauǧa arnalǧan «Şūǧyla» festivalı saltanatty qūttyqtau, ızgı tılekter men balǧyn jetkınşekterdıŋ än şaşuyna ūlasty.
Jaiyq NAǦYMAŞ
