Astana äkımı Äset İsekeşev «EKSPO-2017» Halyqaralyq mamandandyrylǧan körmesınde Singapurdyŋ Ūlttyq künın toilau qūrmetıne Singapur Respublikasynyŋ sauda jäne industriia Aǧa ministrı Ko Po Kun myrza bastap kelgen delegasiia ökılderımen kezdestı.
Kezdesu aiasynda qala basşysy qonaqtardy Elbasynyŋ tapsyrmasymen ıske asyrylǧan 2020 jylǧa deiıngı Astananyŋ damu josparymen tanystyrdy. Äkım kezdesuge kelgenderge baǧdarlamanyŋ baǧyttarynyŋ bırı – Astana xalyqaralyq qarjy ortalyǧyn qūrumen elordamyzdy aqyldy ärı qauıpsız qala, öŋırlık halyqaralyq ortalyq retınde qalyptastyru jönınde aityp berdı.
Qazaqstan tarapynan naqty jobalar ūsynyldy: qoǧamdyq kölık, densaulyq saqtau, bılım, qauıpsızdık jäne äkımdık pen qalalyq qyzmette jūmystyŋ şynaiylyǧy syndy salada qalalardy josparlau jäne basqaru jüiesıne smart-texnologiialardy engızu. Kezdesu qorytyndysy boiynşa taraptar üş baǧytta jobalardy bırlesıp ıske asyruǧa jäne yntymaqtastyq ornatuǧa kelıstı.
Bırınşı – Singapur elınıŋ täjıribesın zerdeleu jäne ony Astanada engızu, «aqyldy» infraqūrylym boiynşa reglamentterdı engızu men jūmysty ūiymdastyru, sifrlyq injiniring, jobalau kezınde bim-tehnologiiany qoldana otyryp «jasyl» qūrylysta, qūrylys saluǧa rūqsat qaǧazdaryn aluda, qūrylys jäne ǧimarattardy basqaruda singapurlyq ädıs-täsılderdı üirenu jäne ony öz elımızde qoldanu. Energiiany ünemdeitın tehnologiialardy qoldana otyryp «jasyl» qūrylystyŋ mäselesı jeke qaraldy. Singapurda jeke «jasyl» standart äzırlengen, sol «jasyl» standartqa säikes ǧimarattar sany qazırgı uaqytta 33 paiyzdy qūrap otyr.
Ekınşıden, kelısım qoǧamdyq kölık, tūraqtar, joldar qūrylysyn josparlau, sondai-aq qoǧamdyq kölık salasynda yntymaqtastyq jasasuǧa bailanysty boldy. Aqparattyq tehnologiialardy engızu jäne t.b. mäseleler qarastyryldy.
Üşınşıden, smart-tehnologiialardy qoldanumen qoǧamdyq densaulyq saqtau salasynda yntymaqtastyqty arttyru josparlanuda.
