Jaŋa jyldyŋ basty keiıpkerlerı: europalyq – Santa Klaus, polşanyŋ – Qasiettı Silvestrı, kolumbiialyq – Papa Paskuale, fransuz – Per Noel, finliandiialyq – Ieloupukki, orystyŋ – Ded Morozy.
El täuelsızdıgı merekesı bastalmai jatyp, üi-üidı, keŋselerdıŋ esıgıne jaŋa jyldyŋ belgılerın, jaltyrauyq qaǧazdaryn japsyryp ülgerdı. Bızdıŋ keŋsenıŋ keŋ dälızınde de tabaldyryqtan bastap Aiaz atany mūrnyna tızıp ılıp qoidy. Mümkın az ailyǧyn şailyǧyna jetkıze almai jürgen jurnalisterdıŋ merekelık köŋıl-küiın kötergısı kelgen bolar. Rahmet. Bıraq, osy beineler köbımızge jylulyq syilamaityn, alystap ketken böten beinedei. Tıptı, qajetı joq qisynsyz körınedı. Öitkenı mysqyldap bolsa da özımızdıŋ bolmysymyzǧa oralyp jatyrmyz, bügınde balany da, şaǧany da körşı eldıŋ Atasymen aldai almaimyz. Jaqsylyqty odan emes, Jaratuşydan tıleimız. Ekı betı narttai janyp, mūrny araq ışıp alǧandai qyzara börtıp tūrǧan beineden kınärat ta ızdeimız…
Endeşe, Jaŋa jyldyŋ simvolyn oilap tappasaq ta, jyldyŋ basynda basqa atany nege tyqpalai beremız?
Ras, kez kelgen halyq üşın Jaŋa jyl – adamdar ömır sürgen 365 künge qarap, öz ömırlerıne baǧa berıp, bolaşaqqa josparlaryn qūryp, asyl mūratyn belgıleidı. Adam ümıttı pende ǧoi, keler kün, jaŋa jyl özıne jäne jaqyndaryna jaqsylyq pen meiırımdılık äkeledı dep kütedı. Är adam qiynşylyqtar men qiyndyqtardy artqa tastap, bolaşaqqa senımmen qaraǧysy keledı. 31 jeltoqsanda bız eskı jyldy şyǧaryp salamyz, tün ortasynda bız üşın jaŋa jyl bastalady. Bar bolǧany sol ǧana.
Barlyq europa elderı Jaŋa jyldy rimdıkterden alynǧan dästür boiynşa 1 qaŋtarda toilaidy. Bıraq ärqaşan olai bolǧan joq qoi. Är halyq är mezgılde jaŋa jylyn atap öttı. Bız üşın Nauryz da – jaŋa jyldyŋ belgısı. Ony da qarsy aludyŋ özındık qalyptasqan dästürı bar. Mänı men maǧynasy da bölek. Däl osylai, bır jyldy artqa salǧan 1 qaŋtardyŋ maǧynasy adam üşın nysanaly.
El täuelsızdıgıne taqala bastalatyn jaŋa jyldy qazaq halqy qalai qarsy alu kerek degen sūraq tuyndamasy anyq. Barşa ǧalamnyŋ adamdaryndai ärkım özı bıledı. Al jaŋa jylǧa daiyndyq, merekege äzırlenu, qala berdı resmi şyrşalardy bezendıru ortaq talapqa sai bolǧany jön. Būrynǧy dästürlı jyltyraq oiynşyq pen jarqyldaǧan türlı-tüstı şamdardy, basqa da atributtaryn joqqa şyǧaru külkılı de bolar. Alaida osy qyzyldy-jasyldy dünienıŋ ortasynda öz elımızdıŋ belgısındei, ärı merekelık şaralarǧa şaqtap jasalǧan kök tuymyzben, basqa da elordasynyŋ, ırı qalalarymyzdyŋ maŋyzdy nysandarymen kömkerılgen jalauşalarmen bezendıruge bolmai ma?
Būlai jasau üşın qyruar qarajat kerek bolmas. Esesıne, el egemendıgımen ılese keletın jaŋa jylǧa tosyrqai qaramaimyz, kök tuymyz jüregımızdı jylytyp, keler jyldyŋ aq jarylqap jaqsylyǧyna daiyn bolyp, jarqyrai qarsy alamyz!
