Kelesı jyldyŋ qaŋtarynda bas qalada «Smart Astana» tūjyrymdamasy aiasynda «Smart Medisina» jobasy engızıle bastaidy. Qalalyq mäslihatta ötken «Deputat künı» barysynda Astananyŋ Densaulyq saqtau basqarmasynyŋ basşysy Kamaljan Nadyrov atalmyş jobanyŋ artyqşylyqtary turaly baiandap, deputattardyŋ sūraqtaryna jauap berdı.
Baiandamaşynyŋ aituynşa, būl jobany äzırlegende Oŋtüstık Koreia, Germaniia, Türkiia, Singapur memleketterınıŋ täjıribesı eskerıldı. Joba şeŋberınde halyq densaulyǧyna qatysty barlyq üderısterdı avtomattandyru, emhanalarda diagnozdy anyqtau jäne emdeu kezınde qatelıkterdı azaitatyn «aqyldy» elementterdı engızu, radiologiialyq jäne zerthanalyq zertteulerdıŋ ortalyqtandyrylǧan bazasyn qūru josparlanuda.
«Smart medisina» elordada medisinalyq qyzmettıŋ sapasy men qoljetımdılıgın arttyru maqsatyna tezırek jetuge septesedı. Atap aitsaq, rentgen jazbalaryn öŋdegende joǧary däldıkke jetuge mümkındık beredı. Mäselen, oǧan engızılgen jasandy intellekt tehnologiiasy qaterlı ısıkterdı auru asqynbai tūrǧanda anyqtaidy.
Jalpy alǧanda, būl jobanyŋ äleumettık jäne öndırıstık artyqşylyqtary bar. Alǧaşqysy därıgerdıŋ qabyldauyna jazyludyŋ balama ädısterın ūsynyp, emhanalarda kezekterdı azaitady. Pasienttı qabyldaǧanda mälımetterdı engızu uaqytyn qysqartady. Pasient baǧyty men medisina qyzmetkerlerınıŋ jūmysyn oŋtailandyrady. Aurudyŋ aldyn aluǧa kömegın tigızedı.
Al ekınşı artyqşylyq – medisina qyzmetkerlerınıŋ eŋbek önımdılıgın köterıp, därı-därmek pen medisinalyq qondyrǧylardy esepke aludyŋ aşyqtyǧyn qamtamasyz etedı. Diagnoz qoiudyŋ sapasyn arttyrady. Bazaǧa engızılgen mälımetter men därıgerlerdıŋ nauqasqa jazyp bergen emın qadaǧalauǧa mümkındık beredı. Būǧan qosa, rentgen jazbalary men zerthanalyq zertteulerdıŋ däldıgın köteredı. Nazar audaryluy tiıs jailardy boljauǧa, medisina ūiymynyŋ äkımşılıgın nätijelı basqaruǧa tiımdı jaǧdai tudyrady.
Astananyŋ keibır medisinalyq ūiymdary jartylai avtomattandyrylǧanyn aita ketu kerek. Iаǧni, būl ūiymdarda medisinalyq aqparattyq jüieler jūmys ıstep jatyr. Alaida därıgerler bır mälımettı ekı ret engızıp, uaqyttaryn joǧaltuda. Būl mälımetter QR Densaulyq saqtau ministrlıgınıŋ aqparattyq jüiesıne engızıle tūryp, būl ministrlıkke eseptı tapsyrǧanda qaitadan sūralady. Osyǧan bailanysty Astananyŋ Densaulyq saqtau basqarmasy barlyq modulderdı keşendı türde engızudı qarastyryp jatyr.
«Smart Medisina» elordada medisinalyq qyzmettıŋ sapasy men qoljetımdılıgın arttyru maqsatyna tezırek jetuge septesedı. rentgen jazbalaryn öŋdegende joǧary däldıkke jetuge mümkındık beredı. Mäselen, oǧan engızılgen jasandy intellekt tehnologiiasy qaterlı ısıkterdı auru asqynbai tūrǧanda anyqtaidy
«Smart medisina» jobasyn memlekettık jeke ärıptestık mehanizmı arqyly jüzege asyru josparlanuda. Kelesı jyldyŋ basynan ol atalmyş basqarmaǧa qarasty medisinalyq ūiymdarǧa kezeŋ-kezeŋımen engızıle bastaidy.
Ärine, jobany ıske asyru üşın bıraz şyǧyndanuǧa tura keledı. Būl şyǧyndar medisinalyq aqparattyq jüienıŋ özı men serverlık qondyrǧylardy, tiıstı tehnikany, ǧalamtor bailanysyn satyp aluǧa jūmsalmaq. Qazırgı künge olardy jetkızuşı bırneşe investor qyzmetın ūsynyp otyr. Basqarma bolsa alda konkurs ötkızu üşın jetkızuşıge qoiylatyn talaptardy äzırleude. Kamaljan Nadyrovtyŋ sözınşe, jobany jüzege asyruǧa ketetın qarjy kölemı de alda anyqtalady.
Amanǧali Qaljanov
