SOǦYP TŪR DONOR JÜREGI
Astana medisinasynyŋ adymy taǧy ūzara tüsude.
Elımızde jürekke jasalǧan tūŋǧyş transplantasiia ötken jyly tamyz aiynda jüzege asyrylǧan edı. Donorlyq jürek auystyru operasiiasy ekınşı märte jasalyp, sättı aiaqtaldy.
Ras, biylǧy jazda Almaty därıgerlerınıŋ jürek transplantasiiasy ümıttı aqtamaǧan edı… Elordadaǧy Ūlttyq ǧylymi kardiohirurgiia ortalyǧyndaǧy ota älgı olqylyqtyŋ ornyn toltyrǧandai. Taŋ qalarlyǧy sol, nauqasqa donor jüregı bır myŋ ekı jüz şaqyrym qaşyqtyqtaǧy Almaty qalasynan bıregei medisinalyq jabdyq arqyly jetkızılgen.
«Osy operasiianyŋ sättı ötuıne barlyq qyzmetterdıŋ jüielı jūmysy septıgın tigızdı. Donorlyq jürek Almatydan Astanaǧa jetınşı qaraşa künı jetkızıldı. Donordyŋ jüregı tört saǧat ışınde transplantasiialanuy kerek. Jürek «Organ Care System» bıregei medisinalyq qondyrǧysymen äkelındı. Būl qondyrǧy endı eldıŋ kez kelgen tükpırınen donorlyq jürektı jetkızuge mümkındık beredı. «Organ Care System» donorlyq jürektı on ekı saǧatqa deiın saqtai alady» dedı ortalyqtyŋ basqarma töraǧasy Iýrii Pia.
Mamandardyŋ sözıne sensek, donorlyq jürektı saqtauǧa arnalǧan qondyrǧynyŋ baǧasy 400 myŋ dollardy qūraidy eken. Ony paidalanu üşın arnaiy daiyndalǧan mamandar qajet. Būl ıste asa tiianaqtylyq pen ūqyptylyq boluǧa tiıs. Sebebı, jürektıŋ jetkızıluıne sanitarlyq aviasiia ǧana emes, tötenşe jaǧdailar qyzmetkerlerı men küş qūrylymdary da tartylǧan. Bügınde «Organ Care System» qondyrǧysy AQŞ, Avstraliia men Germaniianyŋ älemdık deŋgeidegı üş ırı klinikasynda ǧana paidalanylady eken.
«Donorlyq jürek auystyrudyŋ ekınşı otasy sättı aiaqtaldy, qazır emdeluşınıŋ jaǧdaiy tūraqty. Ärı qarai barlyǧy josparǧa sai bolady dep oilaimyz» deidı därıgerler.
Elımızde būl operasiiaǧa jüz jetpıske juyq adam zäru körınedı.