«Elordanyŋ tūrǧyn alaptaryn damytu turaly» tūjyrymdamasy aiasynda Baiqoŋyr audanynyŋ «Öndırıs» tūrǧyn alabynda dene şynyqtyru jäne sauyqtyru keşenınıŋ qūrylysy jaqynda aiaqtaldy. Jaŋa keşen jeltoqsan aiynyŋ orta şenınde paidalanuǧa berıledı.
Tūrǧyndardy būqaralyq sportqa baulu jäne olardyŋ salauatty ömır saltyn ūstanuyna jaǧdai jasau maqsatynda salynǧan būl sport keşenı Öndırıs jäne S 638 köşelerınıŋ qiylysynda boi köterdı. Jaŋa keşennıŋ ışınde aumaǧy 215 şarşy metrdı qūraityn küreske jattyqtyru zaly, 93,2 şarşy metrlık şynyǧu zaly, 595 şarşy metrlık ämbebap zal jasaqtalǧan.
Tolyqtai jabdyqtalǧan sport zalynda futzal, voleibol jäne basketbol oinauǧa, dene şynyqtyruǧa bolady. Sonymen qatar, atalǧan keşende balalar men jasöspırımder üşın karate-do, sambo, kikboksing, muai tai, kiokuşinkai kan karate, greppling, pauerlifting, qol küresı, taekvondo, pankration, qazaq küresı, djiu-djitsu syndy sporttyŋ 12 türınen üiırmeler ūiymdastyruǧa mümkındık jasalǧan. Būdan bölek, ǧimarat ışınde qarttarǧa arnalǧan klub pen oqyrman zaly bar kıtaphana ornalasqan.
