STUDENTTER JASAǦY QŪRYLADY
Jastar saiasaty mäselelerı basqarmasynyŋ ūiymdastyruymen Astana qalasy äkımdıgı janyndaǧy jastar ısterı jönındegı keŋestıŋ kezektı otyrysy öttı. Oǧan qaladaǧy basqarma basşylary, oqu oryndary ökılderı jäne jastar saiasatyn jüzege asyruşy ūiymdar men belsendı jastar qatysty.
Jiynda Işkı ıster departamentı Iývenaldyq polisiia bölımşesınde esepte tūrǧan kämeletke tolmaǧan jasöspırımder turaly Astana qalasy Balalardyŋ qūqyǧyn qorǧau basqarmasynyŋ basşysy Rima İmanǧazievanyŋ baiandamasy tyŋdaldy. Onyŋ aituynşa, 2008 jyldan berı jasöspırımder arasyndaǧy qūqyqbūzuşylyq pen qylmystar sany 58%-ǧa azaiǧan. Qazırgı taŋda Işkı ıster departamentınde 278 kämeletke tolmaǧan bala esepte tūr. Olardyŋ köbısı – 15-18 jastaǧylar. Onyŋ ışınde 78%-y – ūldar. Osy rette Astana qalasy Jastar saiasaty mäselelerı basqarmasynyŋ basşysy Talǧat Rahmanberdı aldaǧy uaqytta jasöspırımder arasyndaǧy qylmystyŋ odan saiyn azaiatyndyǧyn jetkızdı. Öitkenı, kelesı jyldan bastap qalada polisiiaǧa kömek körsetetın student jasaǧy qūrylady. Olar ışkı ıster basqarmasyna resmi türde tırkelıp, kädımgıdei kuälıkterı berıledı. Jas kömekşıler jataqhanalar, oqu oryndarynyŋ ǧimaraty, qala köşelerı men tūratyn mekenjailary boiynşa tärtıptı baqylaityn bolady. Olardyŋ denı – zaŋ fakultetınde oqityn studentter.
Otyrys barysynda jastar ısterı jönındegı keŋestıŋ 2014 jylǧa arnalǧan jospary baiandaldy. Onda Astana qalasynyŋ emhanalaryndaǧy jastar densaulyq ortalyqtarynyŋ jūmysyn jandandyru, käsıptık jäne tehnikalyq bılım mekemelerındegı jastar ısı jönındegı komitetterdıŋ jūmysyn qarau, studentterge jeŋıldetılgen jolaqy engızu mäselelerı qarastyrylatyn bolady. Talqylau qorytyndysy boiynşa Talǧat Abaiūly qaladaǧy basqarmalarǧa jastar saiasatyn tiımdı jüzege asyru baǧytynda bırqatar tapsyrmalar berdı.
Erkejan SÄTIMBEK