«Astana su arnasy» mekemesı elorda tūrǧyndary üşın «Kelısımşart jasa!» aksiiasyn qolǧa aldy. 28 qaraşadan 31 jeltoqsanǧa deiın bolatyn aksiia ortalyqtandyrylǧan sumen jabdyqtau jäne kärız qyzmetterın kelısımşartsyz paidalanyp kelgen tūtynuşylarǧa tıkelei qatysty. «Sudyŋ da sūrauy bar» deidı halqymyz. Mamandardyŋ pıkırınşe, elordanyŋ ärbır tūrǧyny täulıgıne şamamen 250 litr su paidalanady eken.
Auyz sudy oŋdy-soldy paidalanudyŋ ziianyn bügınde älem halyqtary moiyndauda. Taza sudy ünemdeudıŋ eŋ tiımdı jolyn qarastyru maqsatynda «Astana su arnasy» mekemesı tūrǧyndarǧa qolaily mümkındık tuǧyzbaqşy. Şynyn aitu kerek, keibır qala tūrǧyndary sudy tūtynu kezınde qūjat räsımdeu kerektıgın bılmeidı. Sondyqtan atalǧan aksiia kezınde sumen jabdyqtau jäne kärız qyzmetterın zaŋsyz tūtynyp otyrǧan barlyq tūrǧyndar kelısımşart jasai alady. Būl üşın qosymşa şyǧyn şyǧarudyŋ qajetı joq nemese qoldanystaǧy zaŋnamada qarastyrylǧandai, qandai da bır aiyppūl tölemei, qyzmet körsetudı toqtatusyz jasauǧa bolady.
Aita ketken jön, 2017 jyldyŋ 1 qaŋtarynan bastap tūrǧyn üilerde auqymdy tekseru jürgızıledı. Tügendeu şarasy barysynda anyqtalǧan barlyq mekenjailar boiynşa qosymşa esepteu somalary qoiylyp, sumen jabdyqtau jäne su aǧyzu qyzmetterı toqtatylady. Qosymşa aqparat alu üşın 27-03-70, 37-50-07 telefondaryna nemese call-ortalyqtyŋ «1302» nömırıne qoŋyrau şaluǧa bolady. Tabiǧat bailyǧynyŋ bır künı sarqylatynyn bılsek, qoldaǧy barymyzdy baiyppen baǧalaiyq.
Gülmira ŞARHANQYZY
