Qazır qalada türlı jūqpaly aurulardyŋ körınıs beruıne bailanysty Astana qalasy Tūtynuşylar qūqyǧyn qorǧau departamentı sport keşenderındegı jüzu basseinderıne tekseru jürgızıp, sudyŋ qūramy men sapasyn, qauıpsızdıgın anyqtau maqsatynda synama aldy. Ereje boiynşa basseinde bögde zattar men basqa da qaldyqtardy joiatyn arnaiy qūrylǧy jūmys ısteuı tiıs. Mūndaǧy su süzgıden ötkızılıp, himikattarmen tazartyluy kerek. Osyndai bırneşe kezeŋdık tekseruden keiın ǧana basseinge tüsuge rūqsat etıledı.
Sport keşenderınde ornalasqan basseinderdıŋ tazalyǧy men sudyŋ sapasyn qadaǧalau barysynda Tūtynuşylardyŋ qūqyqtaryn qorǧau departamentı 28 synama alǧan.
Būǧan qosa, Astana qalasy SES qyzmetınıŋ mamandary enterovirusty infeksiianyŋ tırkeluıne orai sudyŋ sapasy men qauıpsızdıgıne elordadaǧy jäne respublika boiynşa su qoimalaryndaǧy zerthanalyq tekserudı küşeittı.
«Enterovirus basseinderden tabylǧan joq. Degenmen, olar kärız sularynan tabyldy. On synamanyŋ bıreuınen virus anyqtaldy. Būl – atalǧan virustyŋ qorşaǧan ortada bar ekendıgınıŋ dälelı. Sondyqtan, bız jüielı jūmys jürgızudemız» dedı QR Tūtynuşylar qūqyǧyn qorǧau agenttıgı töraǧasynyŋ mındetın atqaruşy
Jandarbek Bekşin.
