SUMEN QAMTU JAIY QARALDY
Keşe Astana qalalyq mäslihatynyŋ tūraqty komissiialarynyŋ otyrysynda elordada tūrǧyn üi-kommunaldyq şaruaşylyqtyŋ qazırgı jaǧdaiy talqylanyp, aldaǧy damu perspektivalary söz boldy. Atalmyş mäsele boiynşa qalalyq kommunaldyq şaruaşylyq basqarmasynyŋ basşysy Tölegen Zakarianov baiandama jasady.
Aldymen halyqty sumen qamtamasyz etu jäne sudy būru jaiyna toqtalǧan baiandamaşy jyl saiyn elordada sudy tūtynu körsetkışı 7-10 paiyzǧa artyp kele jatqanyn aityp öttı. Osynyŋ ışınde köp päterlı üilerdıŋ tūrǧyndary sudy esepteu qūraldarymen 70 paiyzǧa qamtylsa, jeke sektorda būl körsetkış 20 paiyzǧa ǧana juyqtaidy. Al «Şūbar» şaǧyn audanynda, «Qaraötkel» auylynda, «Prigorodnyi», «Köktal», «Öndırıs», «Promyşlennyi» tūrǧyn alaptarynda 30 paiyzǧa jaqyn.
Qalada ūzyndyǧy 2,5 şaqyrymdy qūraityn magistraldy su taratqyşyn saludyŋ alǧaşqy kezeŋı bastaldy. Ol ıske qosylǧanda şaharǧa qosymşa 50 myŋ tekşe metr su keledı dep josparlanuda. Sondai-aq, Astanany sumen qamtamasyz etudıŋ tört ırı jobasy boiynşa jobalyq-smetalyq qūjattaryn äzırleu jūmysy aiaqtalyp qaldy.
«Taldyköldıŋ aǧyn sular jinaǧyşyn joiu» nysany boiynşa tehnologiialyq qondyrǧylardy montajdau aiaqtalyp, jobanyŋ ekınşı kezegın ıske qosu merzımı jaqyndady. Būl jaǧdai tazartqyş qūrylǧylardyŋ quatyn täulıgıne 254 myŋ tekşe metrge jetkızbek. Nöser sularyn aǧyzu kärızderınıŋ qūrylysy jalǧasuda. Olar 2019 jyly ıske qosyluy tiıs.
Būǧan qosa, basqarma basşysy injenerlık infraqūrylymdy damytu jaiynan habar berıp, keibır maŋyzdy nysandardyŋ qūrylys barysymen tanystyrdy. Onyŋ aituynşa, 1500 körermenge arnalǧan amfiteatr qūrylysy aiaqtalyp qaldy. Botanikalyq saiabaq ta jyldyŋ soŋynda paidalanuǧa berıluı tiıs. Ūlttyq panteonnyŋ qūrylysynyŋ alǧaşqy kezegı de bastaldy.
Odan keiın baiandama jasaǧan qalalyq Energetika basqarmasynyŋ basşysy Baqtybek Japaev şahardy elektrenergiiasymen, jylumen, gazben qamtamasyz etu jaǧdaiyna toqtaldy. «Örken qala» JŞS direktory Saǧyndyq Esımhanov qalanyŋ aldaǧy jyldarǧa damu josparymen tanystyryp, «Esıl» PİK qauymdastyǧynyŋ töraiymy Ryskül Telepova osy saladaǧy keibır tüitkılderdı qozǧady.
Amanǧali QALJANOV