Är mereke saiyn syilyq alyp, syilyq syilap üirenıp qalǧan memlekettık qyzmetkerler endı mūndai qadamǧa bara qoimaityn siiaqty. Būdan bylai bır şokolad ta para bolyp sanalatynyn estıp, ürpeiısıp qalǧan syŋaily. Jaqynda Qazaqstan Respublikasy Parlamentınıŋ Mäjılısı Sybailas jemqorlyqqa qarsy zaŋ jobasyna engızılgen tüzetulerdı maqūldady.
Halyq qalaulylyry «sybailastyqtaǧy jeŋ ūşynan jalǧasudy» tüpkılıktı joiu maqsatynda osyndai qataldau şaralardy da ömırge dendep engızbekşı. Ekınşı sözben aitqanda, aldaǧy uaqytta bır qorap şokolad ta, köŋılıŋ tüsıp, bastyǧyŋa syilaǧan «magnitik» te sybailastyq bolyp tırkeledı. Būl memlekettık qyzmetkerlerdıŋ taǧy bır bosaŋsyǧan beldeulerın tartyp qoiuǧa kezektı qadam ekenı sözsız.
Būǧan deiın 2015 jyly şeneunıkterge syilyq syilauǧa qatysty qataŋ eskertuler jasalǧan bolatyn. Ol kezde «qūrmet körsetudıŋ» mölşerı ekı eseptık körsetkışten, iaǧni 2 AEK-ten (ol kezdegı baǧamen 5556 teŋge) aspau kerek dep şekteu qoiylyp edı. Al odan asa ärbır özın syilaityn şeneunık syilyǧyn Memlekettık mülık jönındegı komitetke tapsyruy qajet-aq. Al özıne ūnap, tıptı közı qimai bara jatsa, tapsyrǧannan keiın satyp aluyna bolady. Satyp almasa, düniesı körmege satylymǧa şyǧarylady.
Sol kezde alǧaş bolyp özıne syilaǧan syilyqty memleketke ötkızgen QR Auyl şaruaşylyǧy ministrlıgınıŋ basşysy boldy. 2016 jyly qaŋtar aiynda ol özıne syilanǧan qymbat qalta telefonyn memleket menşıgıne ötkızdı.
2015 jyly osy talaptardy zaŋ jüzınde engızgennen keiın Sybailas jemqorlyqqa qarsy agenttık nazaryna bır mekemenıŋ memlekettık qyzmetkerlerı ılıkkenı baspasöz betınde jappai jazyldy. Ministrlıkte jūmys ısteitın jıgıt süiıktı qyzyna bır qūşaq gül şoǧy men laǧyl jüzık syilaǧany üşın basy pälege qalǧan. Aiaq astynan ıs qozǧai qalǧan agenttık qyzmetkerlerıne gül men jüzıktıŋ jūmysqa eş qatysy joq ekenın däleldeu ūzaq äŋgımege ainalǧan türı bar.
Qazır memlekettık qyzmetkerler qataryna biudjet qyzmetkerlerı de kırgenın, endı mūǧalımder men därıgerlerge «alǧys aitatyn» bolsaŋyz, ol tap-taza sybailas jemqorlyqqa jatatynyn bıle jürıŋız. Äitpese būǧan deiın keibır mektepterde mūǧalımder ata-analardyŋ esebınen tuǧan künın ötkızıp, 8 nauryzda qomaqty-qomaqty paketterge tapsyrys beretını talai aitylyp jürdı.
Osy mäselege bailanysty QR Sybailas jemqorlyqqa qarsy agenttık töraǧasynyŋ orynbasary Oljas Bektenov bylai deidı: «Şeneunık öz abyroi-bedelıne nūqsan keltırmei gül syilai alady. Eger onyŋ gül syilaityn adamynyŋ naqty tuǧan künı bolsa nemese belgılı bır mereitoiyna orai jasalyp otyrsa, onda ol adamnyŋ äreketı qūqyq būzuşylyq emes».
Mıne, sybailas jemqorlyqpen küreste osyndai ymyrasyz qadamdar jasalyp otyr. Onyŋ qandai nätije beretının aldaǧy uaqyt körsetetın bolady.
Ermek ASYLJANOV
