Qazaqstan Prezidentı Qasym-Jomart Toqaev beinebailanys arqyly ötken Ūjymdyq qauıpsızdık turaly şart ūiymy Ūjymdyq qauıpsızdık keŋesınıŋ kezekten tys sessiiasyna qatysty.
Memleketter basşylary Auǧanstandaǧy jaǧdai jäne onyŋ Ūiymǧa müşe memleketterdıŋ qauıpsızdıgıne tigızer äserı turaly pıkır almasty. Sondai-aq Ortalyq Aziia aimaǧyndaǧy syn-qaterlerdıŋ aldyn aluǧa baǧyttalǧan ıs-qimyldardy talqylady.
Qazaqstan Prezidentı öz sözınde barlyq syn-qaterlerdı, sonyŋ ışınde terrorizm men ekstremizmnıŋ taraluy, qaru-jaraq pen esırtkınıŋ zaŋsyz saudasynyŋ artuy, zaŋsyz köşı-qon, bosqyndardyŋ jappai qozǧalysy, aimaqqa destruktivtı elementterdıŋ enuı sekıldı mäselelerdı keşendı türde qarastyru kerek ekenıne nazar audardy.
Osyǧan bailanysty Qasym-Jomart Toqaev ūjymdyq qauıpsızdık jüiesın nyǧaituǧa jäne Ūiymnyŋ şūǧyl äreket etuıne baǧyttalǧan bırqatar ūsynys aitty.
Memleket basşysy Auǧanstandaǧy gumanitarlyq jäne azyq-tülık daǧdarysynyŋ aldyn alu asa maŋyzdy ekenın de atap öttı.
ŪQŞŪ Ūjymdyq qauıpsızdık keŋesınıŋ kezektı sessiiasy biyl 16 qyrküiekte Duşanbe qalasynda ötedı.
