Qalalyq qoǧamdyq keŋes otyrysynda keŋes müşesı, «Nūr Otan» partiiasynyŋ Astana qalalyq filialy töraǧasynyŋ orynbasary Vladislav Sergeev zaŋsyz syrtqy jarnamalyq aqparat mäselesın köterdı.
«Osydan ekı ai būryn däl osyndai otyrysta mūny talqylap, ūsynystardy jetkızgenbız. Säulet, qala qūrylysy jäne jer qatynastary basqarmasynyŋ basşysy Baqtybai Taitaliev būl mäselenı jöndeimın dep uäde berdı. Alaida «baiaǧy jartas – bır jartas». Bız bergen ūsynystar nege oryndalmaidy? Bırınşıden, qala kelbetıne nūqsan kelmeuı tiıs. Zaŋsyz jarnamalyq aqparatty baiqaǧan halyq qaida habarlasu kerektıgın bıluı kerek. «Nūr Otan» partiiasy qalalyq filialynyŋ qoǧamdyq qabyldauyna keletın jūrt atalmyş mäsele boiynşa aryzdaryn aitady. Olardyŋ aituynşa, äkımdık, Säulet, qala qūrylysy jäne jer qatynastary basqarmasy, «109» qyzmetı arasynda sabylyp jürıp, naqty jauap ala almaidy» dedı ol.
Onyŋ aituynşa, zaŋǧa baǧynatyn käsıpkerlerge jarnamany ornalastyru mehanizmın jeŋıldetu qajet. Sebebı bırese Tılderdı damytu jäne arhiv ısı basqarmasy bekıtpeidı nemese Säulet, qala qūrylysy jäne jer qatynastary basqarmasy jarnamanyŋ tüsın dūrys emes deidı. Ony qoldaǧan qalalyq qoǧamdyq keŋestıŋ töraǧasy Sansyzbai Esılov Baqtybai Taitalievtıŋ atyna hat daiyndaudy tapsyrdy.
Keŋes müşelerı aldynda baiandama jasaǧan Säulet, qala qūrylysy jäne jer qatynastary basqarmasy basşysynyŋ orynbasary Güljan Kivenova osyndai tüitkıldıŋ barlyǧyn moiyndady. «Bügıngı taŋda bızben kelısılmegen jarnamany ıluge rūqsat bermeimız. Būl mäsele boiynşa audandardyŋ äkımdıkterı, Memlekettık kırıster departamentımen bırlesıp jūmys ıstep otyrmyz. Negızı, tiıstı ereje bar. Mäsele käsıpkerlerdıŋ sol erejege baǧynuynda bop tūr» dedı basqarma basşysynyŋ orynbasary.
Vladislav Sergeev bolsa atalmyş mäsele boiynşa älı de jūmys ısteu kerektıgın jetkızıp, mūny basqarmamen bırlesıp şeşuge şaqyrdy. Qorytyndysynda Qoǧamdyq keŋes müşelerı basqarma basşysynan jazbaşa jauapty kütıp, bolmaityn bolsa, keŋes jūmysynyŋ josparyna tüzetu engızıp, Baqtybai Taitalievtıŋ esebın tyŋdaudy ūiǧardy.
Amanǧali QALJANOV
