«Nazarbaev Ziiatkerlık mektepterı» derbes bılım beru ūiymynda «Jas ūstaz: Tabysqa aparar jol» atty bırınşı respublikalyq jas mūǧalımder forumy öz jūmysyn tämamdady.
«Nazarbaev Ziiatkerlık mektepterı» derbes bılım beru ūiymynyŋ Basqarma töraiymy Küläş Şämşidinova forum qatysuşylaryn özınıŋ tabysty jäne şyǧarmaşyl ärıptesterı retınde atai alatynyn maqtanyşpen jetkızdı:
– Bız, ūstazdar, bolaşaq premer-ministrler men prezidentterdı, ūlt qaharmandary men älem jūldyzdaryn, eŋ bastysy, naǧyz patriottar men baqytty adamdardy kezdestırıp, oqytamyz. Bügınde eŋbek jolyn bastaǧan ärbır jas maman öz ömırın mektepke, balalarǧa arnaidy.
Respublikalyq forum jas mūǧalımderdıŋ bılıktılıgın arttyruǧa arnalǧan NIS-tıŋ auqymdy jobasyn jalǧastyrdy. İdeianyŋ özı jas ūstazdardyŋ «Nazarbaev Ziiatkerlık mektepterı» derbes bılım beru ūiymynyŋ Basqarma töraiymy Küläş Şämşidinovamen kezdesuden keiın tuǧan. Elordada, Öskemende, Qaraǧandyda, Almatyda, Pavlodarda, Qostanaida bırqatar keis-sessiialar öttı.
– Tehnologiia men ekonomikanyŋ qarqyndy damuy bılım salasyna quatty serpın beredı. Bügıngı taŋda mūǧalımderdıŋ zaman talabyna sai boluy būrynǧydan da maŋyzdy. Mūǧalım – qaşanda sūranysqa ie mamandyq, sondyqtan onyŋ damu traektoriiasy jeke, bıraq ärqaşan älemdık bılım beru tendensiialaryna sai boluy kerek, – dep pedagogterdıŋ käsıbi damuy men mamandyqtyŋ logikalyq evoliusiiasynyŋ erekşe maŋyzdylyǧyn Küläş Şämşidinova atap öttı.
TEDTalk-te forumǧa qatysuşylar motivasiialyq spikerlerdı ystyq yqylaspen qarsy aldy, jas ūstazdar aldynda öz käsıbınde tabysqa jetken bedeldı qazaqstandyqtar söiledı.
«WikiBilim» qoǧamdyq qorynyŋ negızın qalauşy jäne basşysy, sūranysqa ie Bilim Media Group elektrondy bılım beru kompaniiasynyŋ direktory, internettıŋ qazaqtıldı segmentın özgertken Rauan Kenjehanūly öz sözınde:
– Äkemnıŋ ūlttyq valiutany alǧaş ret üige äkelgenı esımde, bız elımızdıŋ bırınşı Konstitusiiasyn jetık bıldık, täuelsız Qazaqstannyŋ qalyptasuyna üles qosudy armandadyq. Men bır kezderı diplomatiialyq mansap, jurnalistika, käsıpkerlıktı armandadym, osy armandarym oryndaldy. Bügınde elımızde jastardyŋ tabysty boluyna barlyq jaǧdai jasalǧan. Men diplom boiynşa mūǧalım emespın, alaida bılım beru jüiesınde jūmys ısteu – menıŋ ömırlık taŋdauym. Mūǧalım ärbır adam üşın ata-anadan keiın öte maŋyzdy tūlǧa, al mektep – är eldegı eŋ maŋyzdy institut.
«Astana» telearnasynyŋ jūldyzdy habarlarynda tanylǧan jurnalist, «Retro FM», «Evropa plius», «Orda FM» radiosynyŋ jürgızuşısı, aktrisa Maira Tölepbergen bılımı men mamandyǧy boiynşa ekı ūstazdyŋ qyzy retınde ūstazdyq mamandyqtyŋ tek jürek qalauymen taŋdalatynyna senımdı.
Tanymal akter, otandyq jäne şeteldık blokbasterlerdıŋ basty keiıpkerı, «Paraolimpies» jäne «Nulevoi pasient» filmderındegı rölderımen tanylǧan Asqar Iliiasov ta ūstazdyŋ ūly. Balany jaqsy körgende ǧana käsıpte jetıstıkke jetetınıne senımdı Asqar ūstazdardy oquşydan alşaq tūratyn qatal eresek emes, balamen ärkez bala boluǧa şyqyrdy.
«Assambleia jastary» respublikalyq jastar ūiymynyŋ töraǧasy Timur Jūmyrbaev NIS küşımen qūrylatyn jas pedagogterdıŋ qauymdastyǧy olardyŋ äleuetın keŋeitu üşın ülken käsıbi alaŋ ekenın atap öttı. Ökınışke orai, bügıngı taŋda elımızde jas pedagogtermen tıkelei jūmys ısteitın, eŋ aldymen, ozyq täjıribelermen almasuǧa kömektesetın ūiym joq. «Men jastar – būl elımızdıŋ bolaşaǧy da, bügını de dep aitar edım», – deidı ol.
Ūlybritaniiadan NIS-pen ūzaq uaqyttan berı tabysty yntymaqtastyq ornatqan Kembridj universitetınıŋ bılım beru fakultetı ökılı Elein Uilson jas oqytuşylar qataryna qosyldy.
– Qazaqstanda Pedagogikalyq şeberlık ortalyǧy tarapynan äzırlengen mūǧalımderdı käsıbi daiarlaudyŋ köptegen jaqsy baǧdarlamalary bar. Ūstazdar ünemı bılımderın jetıldırıp otyrady, būl sızdıŋ eldıŋ bılıktılıktı arttyruda jetekşı ekenın däleldep otyr. Bärın bılemın dep oilamaŋyz, oqi berıŋız, oqi berıŋız, – degen Elein Uilson forum qatysuşylaryna sättılık tıledı.
Ekı kün şyǧarmaşylyq talpynysqa, jaŋa tanystyqtarǧa, käsıbi jaŋalyqtarǧa, örşıl jobalarǧa, şabyttandyratyn treningter men şeberlık saǧattaryna toly boldy.
Forum qatysuşylarymen «galstuksyz kezdesuge» Oqu-aǧartu ministrı Ashat Aimaǧambetov, «Nazarbaev Ziiatkerlık mektepterın» Damytu qorynyŋ direktory, «SHARE orta bılım berudegı ǧylym» jobasynyŋ jetekşısı Nazipa Aiubaeva, Qazaqstan Respublikasy sifrlyq damu, innovasiialar jäne aeroǧaryş önerkäsıbı ministrınıŋ keŋesşısı Äsel Moldabekova keldı.
Jaŋa buyn mūǧalımderı Ashat Qanatūlyna filosofiialyq, memlekettık auqymdaǧy jäne özıne tän – jeke laifhaktardan bastap ädebi talǧamǧa ūlasqan saualdar joldady. Äsel Moldabekova köptegen yŋǧaisyz saualdarǧa jauap berdı. Jas ūstazdar elektrondy bılım beru jüielerındegı aqparattyq integrasiiaǧa, auyldyq jerlerdegı internettıŋ tömen jyldamdyǧy men tūraqsyzdyǧyna, mektepter üşın serverler men platformalardaǧy mäselelerge nazar saldy.
Jeke şeberlık sabaqtar ötkızgen Damir Sūltanov, Güldana Būharbaeva, Temırbek Saǧyndyqov jäne özge de jas mamandar forumnyŋ naǧyz kaharmandaryna ainaldy. Olar öz ärıptesterın sabaqty ūiymdastyrudaǧy jäne jeke käsıbi damudaǧy atauynyŋ özı maŋyzdylyǧyn aiqyndaityn – sifrly mūǧalım, sabaq forsaity, pedagogikalyq angajement, differensiia jäne oqytudaǧy laifhaktar kreativtı keistermen taŋ qaldyrdy.
Qostanai oblysynan kelgen tarih pänı mūǧalımı Damir Sūltanov Meŋdıqara audany boiynşa avtorlyq turistık baǧdarlamany qalai qūrastyrǧanyn aityp berdı:
– Sabaqty josparlaudy bastaǧanda YouTube pen Google-ǧa jügındım, alaida ondaǧy bılım maǧan jetkılıksız bolyp körındı. Sodan soŋ gidterdı daiyndau jäne sifrlandyru boiynşa türlı kurstarǧa qatysudy qolǧa aldym. Keiın öz baǧdarlamamdy jasap, onyŋ jūmys ısteitınıne köz jetkızdım. Bız oquşylarmen tarihi sanany qalyptastyryp, kökjiekten asyp oilauǧa tyrysamyz.
Rudnyi qalasynyŋ №1 orta mektebınıŋ qazaq tılı men ädebietı pänı mūǧalımı Güldana Būharbaeva pedagogikalyq angajement şeberlık sabaǧynda bılım ordasynda qūrylǧan teatr jaiynda baiandap berdı. Güldana kreativtı täsılderdıŋ qazaq tılınde söileu daǧdylaryn damytyp, pänge degen qyzyǧuşylyqty arttyratynyna senımdı.
Almatylyq matematika pänı mūǧalımı Temırbek Saǧyndyqovtyŋ sözınşe, bügıngı taŋda är mūǧalım sifrly boluy kerek, būl – sän emes, qajettılık. Temırbek özınıŋ şeberlık sabaǧynda ärıptestermen pıkır almasty:
– Älemde tabysty mūǧalımge qoiylatyn basty jetı talap bar, olardyŋ üşınşısı – sifrly sauattylyq jäne oqu prosesıne jaŋa tehnologiialardy engızu.
Tik-Tok-ta 14 myŋ jazyluşyny esepterdı tez şeşuge üiretken jäne balalardyŋ matematikaǧa degen qyzyǧuşylyǧyn qoldaǧan Temırbektıŋ ülgısı barlyq jas mūǧalımderdı şabyttandyrdy.
Forumǧa Qostanai oblysynan kelgen Botagöz Maqatova öz sözınde biologiia sabaǧyna sifrly tehnologiiany engızudı armandap jürgenın jetkızdı.
– Men sabaqty STEAM zerthanasynda ötkızudı qolǧa aldym. Mozaik Web baǧdarlamasyn taŋdadym, ROQET interaktivtı panelın qoldandym, sonyŋ arqasynda bız virtualdy älemge enıp, ony jandandyra alamyz. Būl bızdıŋ qolymyzdan keldı!
Botagöz Temırbektıŋ oiyn qoldaidy – zamanaui bılım jäne oqytu ürdısı bırınşı kezekte sifrly boluy kerek.
Pavlodarlyq Äset Serıkbaev – «PRO100 Konstitusiia» qosymşasynyŋ avtory:
– Bırneşe jyl būryn menıŋ qolyma Amerika Qūrama Ştattarynyŋ Konstitusiiasy tüstı. Sol kezden bastap memlekettık qūrylysqa qyzyǧuşylyq tanyta bastadym, keiın Qazaqstan Konstitusiiasyna qosymşa jasaudy ūiǧardym. Būl rette tarih pen matematika sabaqtaryn kırıktıru oŋai ekenıne közım jettı.
Mausym aiynda Äset bügıngı taŋda sūranysqa ie «PRO100 Konstitusiia» jobasyna patent aldy.
Qaraǧandylyq Oleg Tio men Erjan Akijanov jas mamandardyŋ basty sūraǧyna jauap beruge tyrysty – oquşylardyŋ sabaqqa degen qyzyǧuşylyǧyn qalai oiatuǧa bolady?
Olardyŋ aituynşa, sabaqty aldymen zertteuden bastau kerek. Erjan jeke bılım beru baǧyttaryn äzırlep, qosymşalarmen tyǧyz bailanysta bolu kerektıgın alǧa tartty. «Wooclap» auqymdy auditoriiamen jūmys ısteu kezınde tiımdı bolsa, «Formative» baǧdarlamasy qalyptastyruşy jäne jiyntyq baǧalaudy jürgızuge kömektesedı.
Oleg «töŋkerılgen synyptyŋ» negızgı qaǧidalaryn tüsındırıp, sandyq ädısterdıŋ, atap aitqanda «ISpiring Learn», «Anchor fm» qosymşalarynyŋ oquşylarmen sättı yntymaqtastyq qūrudaǧy maŋyzdylyǧyn rastady.
Öskemendık Alena Rahimovanyŋ bügıngı mekteptegı eŋ özektı basymdyǧy – baǧalauǧa arnalǧan şeberlık sabaǧy forum qatysuşylarynyŋ ülken qyzyǧuşylyǧyn tudyrdy. Ol toptyq jūmysta oquşyny baǧalau ärdaiym qiyn ekenın, obektivtılık balanyŋ oquǧa degen qyzyǧuşylyǧyn saqtaitynyn erekşe atap öttı.
Şyǧys Qazaqstan oblysy Ūlan audanynyŋ aǧylşyn tılı mūǧalımı Ädıl Anarbekov baǧalau kezınde balanyŋ psihologiialyq jai-küiı şeşuşı mänge ie ekenın aitty:
– Şäkırt pen ūstaz arasyndaǧy altyn köpır – senım, ol adaldyq, süiıspenşılık jäne ümıtten qūralady.
Jabylu saltanatynda qaraǧandylyq Oleg Te forumdaǧy uaqyt basqaşa sipat alǧanyn jäne jetıstıkke degen şynaiy şabytty oiatqanyn moiyndady.
Meksikadan jas pedagogter forumyna qosylǧan Devid Marş aradaǧy myŋdaǧan şaqyrymǧa qaramastan qatysuşylarmen dostasyp ülgerdı. Ol kez kelgen elınde mūǧalımnıŋ tabysynyŋ basty kriteriiı onyŋ mamandyǧyna degen adaldyǧy degen jeke senımımen bölıstı.
Semei qalasyndaǧy Ziiatkerlık mekteptıŋ fizika pänı mūǧalımı, Qazaqstannan alǧaş bolyp Global Teacher Prize jahandyq syilyǧynyŋ top 50 iegerı qataryna kırıp, ambassadory atanǧan Ashat Jūmabekov jaŋa buyn ūstazdarynyŋ merekelık köŋıl küiıne erekşe ün qosty. Ashat öz mamandyǧyn sanaly türde taŋdaǧanyn aityp, naǧyz mūǧalım retınde forum qatysuşylaryna olardyŋ ärqaisysy özınıŋ eŋ üzdık nūsqasy bola alatynyn nyq senımmen jetkızdı.
Jahandyq bılım beru komissiiasynyŋ Aziia hab komissary, «Nazarbaev Ziiatkerlık mektepterı» DBBŪ Basqarma töraiymy Küläş Şämşidinova ärbır delegatqa ümıt artatynyn jäne otandyq bılımnıŋ bäsekege qabılettı jäne tabysty bolatynyna senımın bıldırdı, sondai-aq barlyq jas mūǧalımge NIS-tıŋ ülken otbasyna qabyldanǧanyn erekşe atap öttı. Respublikalyq forumnyŋ negızın qalauşy retınde Küläş Noǧataiqyzy aldaǧy uaqytta barlyq oblysta öŋırlık kezdesuler ötkızudı josparlap otyrǧanyn aitty.
Forumnyŋ jabylu saltanatynda aqtaulyq Symbat Amalova, Aqtöbe oblysy Temır audanynan Äigerım Bolatbekqyzy, jambyldyq jas maman Şolpan Aqşalova, Qostanaidyŋ Rudnyi qalasynan kelgen Güldana Būharbaeva jäne Maŋǧystau oblysy Jaŋaözen qalasynyŋ ūstazy Maǧjan Jūmabai jiynnyŋ basty keiıpkerlerıne ainaldy. Olar Instagram-da üzdık post jazyp, taqyryptyq konkurstyŋ jeŋımpazdary atandy. Küläş Noǧataiqyzy olarǧa «Lesson Study box» ädıstemelık materialdar men resurstar keşenın tabystady.
Forum ūiymdastyruşylary – otandyq mūǧalımderdıŋ käsıbi damuyn jüielı türde jüzege asyryp kele jatqan Pedagogikalyq şeberlık ortalyǧynyŋ tabysty komandasy sahnaǧa şyǧyp, jas mamandardyŋ ystyq yqylasy men qoşemetıne bölendı.
– Jas mūǧalımder – är mekteptıŋ strategiialyq resursy, bügıngı bılım salasyna jaŋa ideialar men jaŋa şeşımder äkeletın de solar. Olardyŋ jaŋa bılımge aşyq, oquǧa daiyn ekendıgıne quanyştymyn», – dedı Pedagogikalyq şeberlık ortalyǧynyŋ direktory Janbota Qabdyqärımova.
Ortalyq online.cpm.kz platformasynda jūmys ısteitın «Jas mūǧalım mektebı» aşyq onlain kursyn äzırlep, daiyndady. Jaŋa resurs ärtürlı baǧyttaǧy oqu materialdaryn bırıktırdı: mūǧalımnıŋ qūndylyqtary men közqarastary, oqytu strategiialarynyŋ kaleidoskopy, köldeneŋ jäne tık josparlau, sonymen qatar sabaqty zertteu, emosiialar men uaqytty basqaru jäne basqa da tanymal basymdyqtar.
Elımızdıŋ är öŋırınde Pedagogikalyq şeberlık ortalyǧy «Jasampaz jas ūstaz» jas mūǧalımder klubtaryn qūryp, käsıbi alaŋǧa ainalyp ülgerdı. «Şamşyraq» onlain-platformasy negızınen auyl mektepterınen kelgen üzdık jas mūǧalımderdıŋ täjıribesı turaly beinematerialdar jariialai bastady.
Bügınde «Tabysqa aparar jol» bırınşı forumy tarih betıne jazyldy, pedagogterdıŋ käsıbi damuy men bailanysy üşın bıregei platforma qūryldy jäne elımızdıŋ üzdık jas mūǧalımderı NIS-pen bırge tabysqa jetu jolyn jalǧastyrady.
