Ekspedisiiaǧa qatysuşylar jolşybai bırneşe eldı-mekenge toqtap, qazaqstandyqtardy merekelık konsertpen quantpaqşy.
«Ūly Jıbek joly. Köne Tarazdan asqaq Astanaǧa tartu» keruenı «Köne-Taraz» tarihi-arheologiialyq keşennen Astanaǧa jolǧa şyqty. Qala tūrǧyndary men qonaqtary tarihi sätke kuäger boldy.
Keruen 25 jük artylǧan tüieden, 46 at jäne keruenşıden, 10 jük maşinasynan jäne 3 avtobustan tūrady. Oǧan qosa, şyǧarmaşylyq ūjymdar, därıgerler, jol polisiiasy men tötenşe jaǧdai qyzmetkerlerı – barlyǧy 150 adam elordaǧa attandy.
Auqymdy şaraǧa qatysuşylar Jambyl jäne Qaraǧandy oblystaryndaǧy 10 eldı-mekenge aialdaidy. Är jerde kiız üiler tıgılıp, ülken sahnalarda türlı-türlı şaralar ūiymdastyrylady. Mäselen, tūrǧyndar konsertter men teatrlandyrylǧan qoiylymdar tamaşalap, ūlttyq sport türlerınen jarysqa qatysa alady.
Keruen Astanaǧa at basyn tıregen soŋ, körme keşenı aumaǧynda 26-30 şıldede Jambyl oblysynyŋ mädeni künderı ötedı. Bes kün boiy M.Gorkii atyndaǧy orys drama teatrynda, Jastar teatrynda jäne «Han-Şatyr» sauda-oiyn-sauyq ortalyǧy aimaǧynda körmeler, teatrlandyrylǧan qoiylymdar, konserttık baǧdarlamalar josparlanyp otyr. Al 28 şıldede «Qazanat» atşabaryndaǧy etnoauylda qolöner jäne sändık-qoldanbaly būiymdardyŋ järmeŋkesı ötkızıledı kütılude.
Şara Ūly Jıbek joly ortalyqtarynyŋ bırı bolǧan ejelgı Taraz qalasynyŋ tarihyn EKSPO qonaqtaryna tanystyru maqsatynda ūiymdastyrylyp otyr.
Güldana TALǦATQYZY
