Qazaqstan ömırınde tarihi betbūrys bastaldy. Prezident Q.Toqaev sendırgendei, Qazaqstannyŋ ömırı endı būrynǧydai bolmaidy. 2022 jylǧy 11 qaŋtarda Parlamentte söilegen sözınde Memleket basşysy bırqatar negızgı reformalardy jariialady, basqalary alda aitylatyn halyqqa Joldauynda atap ötıletın bolady. Elımızdıŋ saiasi baǧyty azamattarymyzdyŋ äl-auqaty men äleumettık jaǧdaiyn jaqsartuǧa baǧyttalǧan. Bız, respublika tūrǧyndary, osy qiyn saǧatta syrttan baqylauşy bolyp qala almaimyz. Bızdıŋ ärqaisymyzdyŋ QR Konstitusiiasy boiynşa qūqyǧymyz ǧana emes, mındetterımız de bar. Qiyn saǧatta bız odan da tyǧyz toptasuymyz kerek. Bügıngı daǧdarystan, qazırgı ūrpaqtyŋ ülesıne tigen auyr synaqtardyŋ bırı – pandemiiadan tek bırlıktıŋ küşımen ǧana qūtyla alamyz.
Memleket basşysy köptegen memlekettık organdar «belgı» üşın qūrǧaq esepter men körsetkışterdı ūsynǧanyn, endı olar nätijege jūmys ısteuı kerek ekenın ädıl atap öttı. Memlekettık äleumettık saiasatty jürgızetın qūrylymdarǧa aldyn ala daiyndalǧan mätındı oqyp qana qoimai, jūmys ıstei alatyn, adamdarmen söilese alatyn, yntaly mamandar keluı kerek.
Bükıl elmen bırge bız naǧyz küizelıstı bastan ötkerdık. Tek Prezidenttıŋ halyqqa alǧaşqy ündeuınen keiın ǧana bız būl qorqynyş jaqyn arada aiaqtalady dep ümıttendık. Ädettegıdei, Memleket basşysy kürdelı daǧdarys jaǧdaiyna baǧa berdı. Keremet küş-jıger jäne qanşama adam ömırınıŋ qiyluymen qaŋtardyŋ qorqynyşy aiaqtaldy. Ündeude aitylǧandai, täuelsızdıktıŋ otyz jyly ışınde būl – bızdıŋ respublikamyzda oryn alǧan eŋ qaiǧyly tarihi oqiǧa.
Qaŋtar tragediiasy qanşa jas adamnyŋ ömırın qidy deseŋızşı! Ökınışke qarai, qaitys bolǧandardyŋ arasynda örımdei jastar da bar. Ärine, olardyŋ ata-analary men jaqyndaryna köŋıl aitu oŋai bolǧan joq.
Bız bärımız osy oqiǧadan jaqsy sabaq aldyq, serpıldık. Jas qazaqstandyqtar üşın de jekelegen perspektivalar paida boldy. Respublikada sūranysqa ie tehnikalyq kadrlardy käsıptık daiarlau jürgızıletın bolady.
Q.Toqaevtyŋ Parlament Mäjılısınde söilegen sözı, jaŋa ministrler kabinetınıŋ bekıtıluı, äleumettık basymdyqtar, onyŋ ışınde qoǧamdyq-äleumettık qordyŋ qūryluy qarapaiym qazaqstandyqtarǧa erteŋgı künge degen senımdılık beredı.
Küşımız – bırlıkte. Bügınnıŋ osynau ūrany barşa qazaqstandyqtardyŋ auzynda. Ükımettıŋ jaŋartylǧan qūramynyŋ jūmysy är adamnyŋ ömır sapasyna oŋ äser etedı dep ümıttenemız.
Barşa otandastar, sonyŋ ışınde jastar, qaiǧyly oqiǧalardyŋ aşy sabaǧynan özımızge qajettı qorytyndy şyǧara otyryp, jaŋa, quatty, egemen Qazaqstandy bırge qūruǧa tyrysamyz! Bız bır-bırımızdı tyŋdap, ärqaisymyzdyŋ pıkırımızge qūlaq asyp üireneiık. Özgeretın uaqyt jettı.
Raisa AGİBAEVA,
Qazaqstan Jurnalister
odaǧynyŋ müşesı
