Keşe Astana qalalyq Işkı ıster departamentınde organ basşylarynyŋ jeke qūramy jäne ardagerlerınıŋ qatysuymen Polisiia künıne arnalǧan merekelık şara öttı.
Şara şymyldyǧyn Astana qalalyq IID basşysy, polisiia general-maiory Amantai Äubäkırov qūttyqtau sözımen aşyp, barşa ärıptesterın töl merekelerımen qūttyqtady. Ol polisiia qyzmetınıŋ jauapkerşılıgı men maŋyzyna erekşe toqtalyp öttı. Sonymen qatar, ardagerler Keŋesınıŋ töraǧasy Esım Kärıbaiūly Tanabergenov: «Sızder öz qyzmetterıŋızdı ülken abyroimen atqaryp, azamattardyŋ zaŋdy qūqyǧyn qorǧau men elordamyzdyŋ tynyştyǧyn saqtauǧa ärqaşan saqadai saisyzdar» dep, keiıngı ızbasarlaryna jyly lebızın bıldırdı.
Būl mereke dästürlı türde eŋ üzdıkterdı marapattau räsımımen jalǧasty. Olar medaldarmen, QR Işkı ıster Ministrınıŋ maqtau qaǧazdarymen jäne alǧys hattarmen marapattaldy.
Sondai-aq, «Qazaq elı» monumentı alaŋynda ışkı ıster qyzmetkerlerıne su jaŋa avtokölıkterdıŋ kıltı tabystaldy. Osyndai jaqsylyqtarǧa jeteleuşı bolyp tabylatyn Astana qalasy äkımdıgınıŋ arqasynda departament materialdyq-tehnikalyq jaǧdaiyn jaqsartyp, igılıgın körıp keledı. Qazırgı uaqytta Astana qalalyq IID jol-patruldık polisiia polkınıŋ avtoparkı otandyq avtokölıktermen tolyǧa tüsude.
Polisiia general-maiory Amantai Äubäkırov: «Būl jaŋartulardyŋ barlyǧy bas qala – Astanamyzdyŋ körkeie tüsuı men ondaǧy qoǧam qauıpsızdıgı
men tynyştyǧyn nyǧaituǧa negız bolaryna kämıl senemın» dep, erıne qamqor bolǧan el men elordanyŋ bolaşaǧynan ülken ümıt kütetının aitty.
Nūrislam Qūspanǧali
