Bügınge bas qalanyŋ kelbetın būzyp, tazalyq normalaryna atüstı qaraityndar azaimai tūr. Kerek bolsa üiınen şyǧatyn tūrmystyq qaldyqtaryn arnauly jäşıkterge tastauǧa erınıp, üi ainalasyna şaşyp kete beretın tūrǧyndar da kezdesıp jatady. Mūndai olqylyqtar, äsırese, üi-jaiyn jalǧa beruşıler arasynda köp taralǧan ürdıs bolyp otyr.
Köpşılıgı qora-qopsysyn jalǧa berıp aqşa tabudy jaqsy bılgenımen, aulaǧa arnaiy qoqys jäşıgın ornatu turaly talap baryn müldem estımegen bolyp jatady. Zaŋ boiynşa, päterın jalǧa beruşı tūrǧyndar «Astana-Tazalyq» mekemesımen Qatty tūrmystyq qaldyqtardy şyǧaru turaly qoǧamdyq kelısımşartqa otyryp, jaldap otyrǧan adamnyŋ sanyna qarai aqşa töleuı tiıs eken. Alaida, köbı būl zaŋdylyqtyŋ belınen basyp, üiınde tūratyn adam sanyna qarai azyn-aulaq aqşa tölep qūtylyp jatady.
Osyndai zaŋsyzdyqtardyŋ aldyn alu maqsatynda qalada arnaiy reidter jürgızılıp jatyr. Osyndai kezektı reid-şarasyna «Astana aqşamy» gazetınıŋ tılşılerı de qatysyp, sanitarlyq talap mäselesıne qatysty tärtıp būzuşylyq faktılerın bırge tekserıp kördı.
«Astana-Tazartu» käsıporny mekemesınıŋ baqylauşylary men inspektorlary jäne «Astana Eko-Poligon NS» sondai-aq, Astana qalasy boiynşa ekologiia departament mamandarymen bırge äuelı Oŋtüstık-şyǧys audanyndaǧy Balqantau köşesı, 94 mekenjaiyndaǧy «İskender» qonaq üi-sauda keşenıne taban tıredık. Bır özı ǧana monşa, dämhana, sūlulyq salony, qonaq üi, düken, jataqhana sekıldı mındetterdı qatar atqaryp tūrǧan alyp nysannyŋ kerek bolsa jeke qoqys tastaityn jäşıgı de joq bolyp şyqty. Özın
atalmyş keşennıŋ äkımşısımın dep tanystyrǧan bır äiel «Bız qoqysty dalaǧa tastamaimyz. Esık aldynda menşık «Gazel» avtokölıgımız tūr. Qoqysty soǧan artyp kündelıktı şyǧaryp otyramyz» dep aqtalǧandai boldy. Alaida ol «Gazel» avtokölıgın, ne qoqys tastaityn poligonmen jasalǧan kelısımşartyn körsete almady. Köp ūzamai keşennen şyqqan tūrmystyq qaldyqtardyŋ barlyǧy jaqyn maŋdaǧy jalpyǧa ortaq qoqys jäşıkterıne tögıletını belgılı boldy. «Būl jerde barlyǧy 29 adam tūrady dep körsetılgen. Alaida, özderıŋız körıp tūrǧandai, būl jerde qyzmet körsetu
nysandarynan bölek 50 bölmelı jataqhana tūr. Mūndaǧylardyŋ barlyǧy esepke alynuy tiıs» deidı «Astana-Tazartu» JŞS Bas direktory İvan Lavrinenko.
«Astana Eko-Poligon NS» JŞS direktorynyŋ orynbasary Dulat Öskenbaevtyŋ aituynşa, bügınde qalamyzda resmi tırkeude tūrǧan 800 myŋnan astam adamnyŋ tek 600 myŋy tazartu mekemelerımen şart jasasqan eken. «Iаǧni, 200 myŋdai adam qoqysqa aqşa tölemeidı. Tüsetın aqşa men jūmsalatyn qarjynyŋ esebı kelmeidı. Osyndai sebeptermen
tazartu mekemelerınıŋ bereşegı köbeiıp jatyr» deidı ol.
Reid barysynda taǧy bırneşe jeke sektordan osyndai zaŋ būzuşylyq anyqtaldy. Qūjatta 1 ǧana adam tūrady dep körsetılgen Qosalqa, 4 mekenjaiyndaǧy bır üide 15 bölmelı jataqhana bary anyqtaldy. Tolstoi köşesındegı nömırı 32-ınşı jeke sektordan da eşbır kelısımşartsyz 110 bölmesın jalǧa berıp otyrǧan üi bary anyqtaldy. Mūnda da tūratyn jan sany bırşama azaitylyp, 24 adam dep körsetılgen. Sondai-aq, Uälihanov köşesındegı bır jataqhanadan şamamen 60-qa juyq päterı bary anyqtaldy. Is-jüzınde būl jerde de 30 tūrǧyn tırkelgen bolyp şyqty. Älımjanov köşesındegı bır üiden de osyndai jaǧdai anyqtaldy.
Nätijesınde hattamalar toltyrylyp, sanitarlyq talaptardy būzǧan tūrǧyndarǧa tüsındırme jūmystary jürgızıldı.
Bürkıt NŪRASYL
