«Big Şanhai» sauda keşenınde jastardy tolǧandyrǧan mäselelerge jauap beru maqsatynda tegın keŋes bölımı jūmys ıstedı.
«Astana jastary» ortalyǧy ūiytqy bolǧan şaraǧa dın mäselelerın zertteu ortalyǧynyŋ ökılderı, käsıbi psihologtar men jūmyspen qamtu ortalyǧynyŋ mamandary şaqyryldy.
Ūiymdastyruşylardyŋ aituynşa, ıs-şara sauda ortalyǧyna keluşılermen qatar, keşennıŋ qyzmetkerlerıne de arnaldy. Sebebı köptegen qyzmetkerler jūmysbastylyǧynan jastarǧa arnalǧan memlekettık baǧdarlamalardan habarsyz bolyp şyǧady. Ortalyq osyndai aşyq esık künderın dästürge ainaldyrudy közdeidı.
Qalalyq äkımdıktıŋ dın mäselelerın zertteu ortalyǧynyŋ mamany Symbat Töleuhanova qabyldauǧa türlı dıni aǧymdarǧa qyzyǧuşylyq tanytyp jürgen azamattardyŋ dos-jarandary men tuǧan-tuysqandary kelıp, keŋes sūraitynyn jetkızdı. «Köbısı jaqyndarynyŋ jat aǧymnyŋ jetegınde jür eken» dep qauıptenedı. Bız olardy sol sätte-aq tiıstı mamandarmen bailanystyryp, keŋes beremız» deidı ortalyqtyŋ ökılı.
Būdan bölek, jastar jūmysqa ornalasu mäselesımen de köptep keledı eken.
