«Tıl tazalyǧy – barşaǧa ortaq ıs» atty joba aiasynda elordalyq Tılderdı damytu jäne arhiv ısı basqarmasy men Astana qalalyq käsıpkerler palatasynyŋ basşylary yntymaqtastyq turaly memorandumǧa qol qoidy.
Būl qūjat şeŋberınde memlekettık tıl saiasatyn käsıpkerler arasynda nasihattau, zaŋ talaptaryn tüsındıru, ädıstemelık kömek körsetu sekıldı ıs-şaralar közdelgen.
– Qazırgı künde elordada jüz myŋǧa juyq şaǧyn jäne orta biznes nysandary bar. Ökınışke qarai, osy nysandarda qazaq tılınde jazylǧan aqparattyq materialdardyŋ nūsqalarynda qate köp kezdesedı. Şyn mänınde, zaŋ negızınde, qalalyq mäslihattyŋ şeşımı boiynşa käsıpkerlerdıŋ aqparattyq materialdarynyŋ mätını bızdıŋ basqarmanyŋ kelısımımen jazylu kerek. Bıraq būl talap oryndala bermeidı. Sodan käsıpkerler mätındı qate jazyp, keiın ony tüzep, ekı şyǧynǧa batady. Sondyqtan būl jaǧdai qaitalanbau üşın osy ıs-şarany qolǧa alyp otyrmyz, – dep atap öttı qabyldanǧan qūjattyŋ maŋyzdylyǧyna toqtalǧan Tılderdı damytu jäne arhiv ısı basqarmasy basşysynyŋ orynbasary Säken Esırkep.
