Biyl «Tıl turaly» Zaŋnyŋ qabyldanǧanyna 30 jyl toldy. 1989 jyly 22 qyrküiekte el tarihynda alǧaş ret «Qazaq Keŋestık Sosialistık Respublikasynyŋ tıl turaly» Zaŋy qabyldandy. Būl – tuǧan tılımızdıŋ kökjiegın keŋeituge bastau bolǧan alǧaşqy qadam edı.
Al elımız Täuelsızdık alyp, öz aldyna derbes, egemen memleket bolǧanda, 1995 jyly 30 tamyzda qabyldanǧan Konstitusiiamyzda qazaq tılı – memlekettık tıl bolyp bekıtıldı. Sonyŋ nätijesınde ana tılımız ūltaralyq qatynas tılıne ainalyp, resmi qūjattar memlekettık tılde jazylatyn boldy.
«Ana tılımızdıŋ abyroiyn arttyryp, aibaryn asyrǧan, märtebesın bekıtıp, mereiın ösırgen atauly dataǧa bailanysty respublika şeŋberındegı tıl janaşyrlaryna Prezident Qasym-Jomart Toqaevtyŋ «Alǧys haty» berıldı.
Aqorda rezidensiiasynda Memleket basşysynyŋ yqylasyn Prezident Äkımşılıgı basşysynyŋ bırınşı orynbasary Darhan Käletaev jetkızdı. Olardyŋ qatarynda Myrzatai Joldasbek, Ömırzaq Aitbaev, Mūhtar Şahanov, Amangeldı Aitaly, Smaǧūl Elubai, Asyly Osman, Säule Meşıtbai, Sailau Batyrşa-ūly, Kenjehan Matyjanov, Mereke Qūlkenov, Şämşidin Pättev, Dos Köşım, Qainar Oljai, Kamal Älpeiısova, Erkın Qydyr, Vladislav Ten, Maksim Rojin sekıldı memlekettık tıldıŋ keŋ kölemde qoldanuyna eleulı üles qosyp jürgen jüzden asa azamat bar. Sonymen qatar «Ana tılı» ūlt aptalyǧy, «Jas qazaq» qoǧamdyq-saiasi gazetı men Almaty oblystyq «Jetısu» telearnasynyŋ «Tıl saqşysy» baǧdarlamasynyŋ ūjymdaryna da «Alǧys hat» tabys etıldı.
