Tuberkulezge – tosqauyl

«STOP, tuberkulez!» ūranymen ötkızılgen keŋ auqymdy qalalyq şara biyl 23 qyrküiek pen 23 qazan aralyǧynda öttı. Bır ai boiy qala tūrǧyndaryna qūrt auruynyŋ aldyn alu, är adamnyŋ öz densaulyǧyna qatysty belsendı jeke ömırlık ūstanymyn qalyptastyru tūrǧysynda aǧartuşylyq-nasihat jūmystary jürgızıldı.Aurudyŋ aldyn alu maqsatynda tūrǧyndar tegın fliuorografiialyq tekseruden öttı. Tört bırdei jyljymaly fliuorografiialyq sifrlyq qondyrǧylar kün saiyn bazarlarda, sauda ortalyqtarynda, qalanyŋ tūrǧyn üi alaptarynda qyzmet ettı. Sonymen bırge adamdar köp şoǧyrlanǧan «Däulet», «Artem», «Älem», «Jannūr», «Djafar», «Bahus», «Äsem» «Magnum», «Astyqjan» sauda üilerınde, sauda, oiyn-sauyq ortalyqtarynyŋ aumaqtarynda osyndai tekseruler jürgızıldı.
«Promyşlennyi», «Telman», «Küigenjar», «Michurin», «Zarechnyi» «Prigorodnyi», «Jeleznodorojnyi», «Öndırıs», «Köktal» kentterınde jürgızılgen jyljymaly fliuorografta tekseru asa nätijelı boldy. Osy şara aiasynda 6000-nan astam adam fliuorografiialyq tekseruden öttı.
Būdan basqa, tuberkulezdıŋ aldyn alu mäselelerı boiynşa därıger- ftiziatrlar keŋes berıp, qūrt auruynyŋ belgılerın tüsındırıp, saualnama jürgızdı. Būl şaraǧa jüktı äielder men jastar ortalyqtary qamtyldy. Ailyq aiasynda qala mektepterı de nazardan tys qalǧan joq. Mektep oquşylaryna osy taqyryp boiynşa 212 synyp saǧaty ūiymdastyryldy, 24 kolledj studentterın qosqanda 2000-dai qala jastarymen kezdesu ötkızıldı. Qalalyq IID-nıŋ qoldauymen beiımdeu ortalyǧyndaǧy belgılı tūraǧy joq 59 adam tegın tekserıldı.
«Stop, tuberkulez» aksiiasyn ūiymdastyruşy – Nūr-Sūltan qalasy äkımdıgı, Qoǧamdyq densaulyq saqtau basqarmasy, Nūr-Sūltan qalasy IID, jäne Qalalyq ftiziopulmonologiialyq ortalyq.
Jalpy, elımızdegı osy dertke qarsy baǧdarlamany jüzege asyrudyŋ maŋyzdy nätijelerı turaly aituǧa bolady. Soŋǧy bes jylda respublikada nauqastar sany 1,3 esege tömendedı. Eger 2014 jyly respublikada 11,5 myŋǧa juyq jaŋa auru jaǧdaiy anyqtalsa, 2018 jyldyŋ qorytyndysy boiynşa 8,8 myŋ oqiǧa oryn aldy. Sondai-aq soŋǧy 5 jylda Qazaqstanda qūrt auruynan bolatyn ölım-jıtım 2 esege tömendedı. Elordada ötken auqymdy şaranyŋ epidemiologiialyq jaǧdaidyŋ jaqsaruyna äserı mol.