Küzdıŋ qara suyǧy kelgende, tūmau infeksiialaryna şaldyqqan adamdar sany köbeie tüsedı. Sondyqtan odan qorǧanudyŋ eŋ tiımdı joly oǧan qarsy ekpe jasatu bolyp otyr. Ekpe jasatuǧa, äsırese, qazan jäne qaraşa ailary qolaily merzım sanalady.
Qalalyq densaulyq saqtau basqarmasynyŋ mälımetı boiynşa qazırgı vaksinalar öte tiımdı ärı qauıpsızdıgı de joǧary sanalady. Ol alty aidan asqan balalar men eresekter arasynda tūmaudyŋ aldyn aluǧa baǧyttalǧan. İmmunitettı küşeituge 2 künnen 7-15 künge deiın uaqyt qajet jäne ol 6 aidan 12 aiǧa deiın saqtalady. Vaksinalau tūmauǧa jatpaityn basqa virustyq infeksiiaǧa qarsy qorǧaudy qamtamasyz etpeidı, bıraq vaksinasiia aurudyŋ öte jeŋıl türde ötuıne kömekteskenımen, onyŋ asqynuyna jol bermeidı.
Tūmauǧa qarsy vaksinalau ekpenıŋ Ūlttyq küntızbesıne jatpaidy, ony aqyly ekpe jasau punktterınde salǧyzuǧa bolady. Dälırek aitqanda, № 1, 2, 3, 4, 5, 6, 7, 8, 9 jäne 10 qalalyq emhanalarda, sonymen bırge, «İntertich» ODA (Kenesary, 1), «Medlain» MO (Kümısbekov köşesı, 8), «Mediker» MO (Qabanbai batyr daŋǧyly, 17), «Oren Clinik» MO (Otyrar köşesı, 8/2), «Farmakom» QFK JŞS (Mailin köşesı, 15), «İntertich Astana Medisinalyq Assistans» MO (Mäskeu köşesı, 38 A), «Medikal Assistans grupp» JŞS (Syǧanaq köşesı, 21/1), «Arhimedes Qazaqstan» JŞS (Saraişyq köşesı, 5).
Söz arasynda aityp öteiık, biyl Astana qalasy äkımdıgınıŋ qoldauymen halyqtyŋ äleumettık qorǧalmaǧan toptaryna ekpe jasau üşın tūmauǧa qarsy «Grippol» vaksinasynyŋ 15055 mölşerı satyp alyndy. Ol Balalar üiınıŋ tärbielenuşılerıne, Mügedekter üiındegı adamdar men soǧys ardagerlerıne, sondai-aq «täuekel topqa» jatatyn balalarǧa, ekınşı jäne üşınşı trimestrdegı jüktı äielderge salynady.
Azamat Esenjol
