Endı aqyly avtotūraq qūnyn Senim mobildı qosymşasy kömegımen töleuge bolady. «Astana qalasy kölık keŋıstıgın basqaru» JŞS osy aidan bastap qala tūrǧyndary men qonaqtaryna avtotūraq aqysyn töleudıŋ yŋǧaily jolyn ūsynuda.
Ol üşın smartfonyŋyzǧa Senim mobildı qosymşasyn jüktep, tırkelıp, kölıgıŋız turaly barlyq aqparatty engızgen soŋ balansty toltyru qajet. Osylaişa, avtotūraq aqysyn bır tetıkpen töleisız.
Esterıŋızge salsaq, 15 qaŋtardan bastap «Nūrjol» jelekjolynda aqyly kölık tūraqtary jobasy ıske qosylǧan bolatyn. 472 kölıkke oryn äzırlenıp, jol belgılerı syzyldy. Sol siiaqty aqparat alu taqtalary ornatylyp, 12 parkomat qoiyldy.
Tūraq qūny – taŋǧy saǧat 8.00-den keşkı 20.00-ge deiın saǧatyna 100 teŋge. Tölem kölıktı tūraqqa qoiǧan sätten bastap alǧaşqy 30 minut ışınde jürgızıluı tiıs. Al demalys jäne mereke künderı tūraqty paidalanu – tegın. Tūraqty paidalanu tärtıbı men tölem täsılderı jäne parkomattar ornalasqan oryndar turaly www.2888.kz. saitynan da tolyǧyraq aqparat ala alasyz. Sondai-aq 8-800-080-28-88 tegın nömırıne nemese qalalyq 109 bıryŋǧai bailanys ortalyǧyna da habarlasuyŋyzǧa bolady.
