Nūr-Sūltan qalasynyŋ respublikanyŋ jalpy ışkı önımındegı ülesı 10,7 paiyzdy qūraidy. Qala ekonomikasyna tartylǧan investisiia kölemı – 811,5 mlrd teŋge. Būl ötken jylmen salystyrǧanda 14 paiyzǧa joǧary. Qalanyŋ qoǧamdyq keŋesınıŋ otyrysynda Ekonomika jäne biudjettık josparlau basqarmasynyŋ basşysy Qaisar Maŋqaraev osylai dep baiandady. Atalǧan jiynda elordanyŋ 2021-2023 jyldarǧa arnalǧan biudjetı jobasy talqylandy.
Baiandamaşynyŋ mälımdeuınşe, jaqyn jyldary bas qalada 12 investisiialyq jobany jüzege asyryp, İndustrialdy park aumaǧynda 900-den astam jūmys ornyn qūru josparlanyp otyr. Jalpy biylǧy 10 aidyŋ qorytyndysy boiynşa öndırılgen önerkäsıp önımı 800 mlrd teŋgenı qūrady. Byltyrǧy säikes kezeŋmen salystyrǧanda, būl 3,6 paiyzǧa joǧary.
– Osy jyldyŋ basynan 2 mln şarşy metrden astam tūrǧyn üi paidalanuǧa berıldı. Būl ötken jylmen salystyrǧanda 54,6 paiyzǧa köp. Jalpy 2023 jylǧa deiın 7 mln şarşy metr tūrǧyn üidı tapsyru josparlanǧan, – dedı Q.Maŋqaraev.
Onyŋ aituynşa, 2020 jyldyŋ üşınşı toqsanynyŋ qorytyndysy boiynşa qaladaǧy jūmyssyzdyq deŋgeiı 4,7 paiyzdy qūrady. «Jūmyspen qamtudyŋ jol kartasy» memlekettık baǧdarlamasy jyl saiyn 23 myŋ jūmys ornyn qūruǧa mümkındık beredı. Būl jūmys oryndary, negızınen, ekonomikanyŋ servistık sektorynda aşylmaq.
Q.Maŋqaraev aldaǧy jyldarǧa qala basqarmalary men audandardyŋ äkımdıkterıne biudjetten qanşa qarjy, qandai jūmystarǧa bölıngenın baiandai kele, är toqsan saiyn biudjet naqtylanatynyn aityp öttı. Qoǧamdyq keŋes müşelerınıŋ saualdaryna jauap berdı. Al sūraqtar az bolmaǧanyn aita ketu kerek. Būl saualdarǧa basqa basqarmalardyŋ basşylaryna da jauap beruge tura keldı.
Qoǧamdyq keŋes müşesı Mūhtar Erketaev osy jylǧy biudjet qanşalyqty igerılgenın sūrady. Qarjy basqarmasynyŋ basşysy Älıbi Jūmaevtyŋ mälımdeuınşe, osy uaqytqa deiın igeru körsetkışı 82,2 paiyzdy qūraidy.
– Bıraq jyldyŋ aiaqtaluyna älı üş aptadai uaqyt bar. Sondyqtan tiıstı qorytyndyny jasau erte. Respublikalyq biudjetten bölıngen 2,9 mlrd teŋge igerıluı qajet, – dedı Ä.Jūmaev.
Biudjetke «Qalanyŋ şetkı aimaqtaryn damytu» baǧdarlamasy atty arnaiy tarmaq engızılgen. Būl baǧdarlamany jüzege asyru jaiyn M.Erketaevqa Ekonomika jäne biudjettık josparlau basqarmasynyŋ basşysy egjei-tegjeilı tüsındırdı.
– Atalmyş baǧdarlama ötken jyly Elbasynyŋ tapsyrmasymen qolǧa alyndy. Soǧan säikes Almaty, Nūr-Sūltan, Şymkent qalalary men Aqmola oblysynyŋ şetkı aimaqtaryn damytuǧa jyl saiyn respublikalyq biudjetten 7,5 milliard teŋgeden bölınedı. Būl baǧdarlamanyŋ jüzege asyryluyna Ūlttyq ekonomika ministrlıgı monitoring jasaidy. Bızge kelsek, būl baǧdarlama boiynşa tūrǧyn alaptarda injenerlık jelıler tartylyp, dene şynyqtyru-sauyqtyru keşenderı men jataqhanalar salynyp jatyr. Mäselen, «Prigorodnyi» tūrǧyn alabynda bırneşe jataqhana boi köterdı. Sondai-aq şetkı aimaqtarda joldar salyndy, – dedı Q.Maŋqaraev.
«Biudjetke qatysu» baǧdarlamasyna qatysty saualǧa ol qalanyŋ är audanyna är jylǧa 2-3 mlrd teŋgeden bölıngenın aita kele, äkımdıkter aldaǧy qaŋtar aiynda atalmyş baǧdarlamaǧa bölınetın qarjy kölemın anyqtaudy josparlap otyrǧanyn jetkızdı.
– Biyl būl baǧdarlama tört audanda da jüzege asyryldy. Oǧan 880 mln teŋge şamasynda bölındı. Byltyr Saryarqa audanyna ǧana 500 mln bölıngen. Bız äkımdıkterge halyqtyŋ sūranysyna qarai osy baǧdarlamaǧa köbırek aqşa bölıŋder dep keŋes berıp jatyrmyz. Olar köbeituge tyrysatyndaryn jetkızdı, – dedı Q.Maŋqaraev.
Qoǧamdyq keŋes müşesı Äsima Bimendina aldaǧy jyldary jüzege asyrylatyn 12 investisiialyq joba naqty qai baǧyttarda bolatynyn sūrady. Oǧan jauap bergen İnvestisiialar jäne käsıpkerlıktı damytu basqarmasynyŋ ökılı biyl bloktardan tūrǧyn üi tūrǧyzu kombinaty, bruschatka şyǧaru zauyty siiaqty jobalar ıske asyrylyp jatqanyn aitty.
