«Nūr Otan» partiiasynyŋ deputattyqqa ümıtkerlerı Travmatologiia jäne ortopediia ǧylymi-zertteu instituty mamandarymen onlain kezdesu ötkızdı. Ügıt-nasihat jūmystary aiasynda ötken jiyn barysynda partiianyŋ sailaualdy baǧdarlamasy tanystyrylyp, saladaǧy tüitkıldı mäseleler talqyǧa tüstı.
Şaraǧa «Tūran-Astana» universitetınıŋ rektory Güljamal Japparova, jeke sot oryndauşysy Talǧat Mamyqanov, №3 köpbeiındı qalalyq auruhananyŋ bas därıgerı Zaituna Hamidullina qatysyp, el medisinasyn jaqsartudyŋ joldaryna toqtaldy.
«Elordada «Üidıŋ janyndaǧy därıger» jobasy qolǧa alynyp, joba şeŋberınde 30 otbasylyq därıgerlık ambulatoriialar aşu közdelgen. İgı ıs 300 myŋ tūrǧyndy qamtidy dep josparlanǧan. Sondai-aq Nūr-Sūltanda ūlttyq ǧylymi onkologiialyq ortalyq, 500 oryndyq infeksiialyq auruhana, 800 oryndyq köpbeiındı auruhana jäne jaŋa perzenthana salynady» dedı №3 köpbeiındı qalalyq auruhananyŋ bas därıgerı Zaituna Hamidullina.
Kezdesu barysynda partiianyŋ sailaualdy baǧdarlamasy, ondaǧy medisina salasynda bolatyn oŋ özgerıster turaly aityldy. Nur Otan partiiasy ökılderı būǧan deiın Qazaqstan öŋırlerınıŋ bärın aralap, halyqtyŋ mūŋ-mūqtajyna qūlaq türgenı mälım. Sonyŋ nätijesınde partiianyŋ sailaualdy baǧdarlamasy äzırlendı. Baǧdarlama är oblystyŋ qalalary men audandaryna arnaiy äzırlengen.
Kezdesuge qatysqan aq halattylarǧa atalǧan baǧdarlama aiasyndaǧy oŋ özgerıster turaly baiandalyp, bırqatar mäseleler köterıldı. Güljamal Japparova men Talǧat Mamyqanov būl mäselelerdıŋ sailaualdy baǧdarlama aiasynda şeşıletının aityp, ındetpen küreste aianbai eŋbek etken medisina mamandaryna alǧys bıldırdı.
«Därıgerdıŋ märtebesı biyl arta tüstı. Olar bar qiyndyqty halyqpen bırge eŋserıp, nauqastardyŋ jaǧdaiyn jasauǧa tyrysty. Sonymen qatar Nur Otan partiiasy medisinalyq-äleumettık kömek berudı basty mındet sanaidy. Osy ındet kezınde partiia ökılderı el azamattarynyŋ ömırın jaqsartuǧa baǧyttalǧan şaralarǧa belsendı türde aralasty. Jaǧdaiy qiyn otbasylarǧa azyq-tülık paketterın taratty, kömekke zäru azamattardyŋ bärıne qol ūşyn sozdy» dedı T.Mamyqanov.
Nūr-Sūltan qalasyndaǧy Nur Otan partiiasy sailau qorynyŋ qarajatynan tölendı.
