Qala äkımınıŋ jeke qabyldauyna elordalyq azamattar tūrǧyn üi, ülestık qūrylys nysandary, medisinalyq qyzmet, bılım beru men jūmysqa ornalasu mäselelerımen köbırek jügındı.
– Ekı apta ışınde 20-dan asa tūrǧyndy qabyldadym. Şamamen 60 sūraq qoiyldy. Köterılgen mäseleler tūrǧyn üige, ülestık qūrylys nysandaryna, medisinalyq qyzmetterge, bılım beru men jūmysqa ornalasuǧa qatysty. Biyldan bastap «Jūmyspen qamtudyŋ jol kartasy» baǧdarlamasy aiasynda 15 myŋnan asa adam jūmysqa ornalastyryldy. Oqu oryndarynyŋ tülekterı üşın granttardy ūlǧaittyq, qadamdyq qoljetımdılık qaǧidaty boiynşa «Üidegı därıger» 29 nysany aşyldy, būl taǧy 180 myŋ adamdy qamtuǧa mümkındık berdı, – dep jazdy Nūr-Sūltan qalasynyŋ äkımı Altai Kölgınov Instagram paraqşasynda.
«Halyq ünıne qūlaq asatyn memleket» qaǧidatyn jüzege asyruda «bır tereze» qaǧidaty boiynşa qala tūrǧyndaryna 70-ten astam memlekettık qyzmet körsetetın «Janūia» otbasy institutyn qoldau ortalyǧy men tūrǧyn üi salasynda qyzmet körsetetın bıryŋǧai ortalyq ülken septıgın tigızıp jatyr. Ortalyqta tūrǧyn üi kezegınıŋ nömırı, kezekke qalai tūru kerektıgı, türlı tūrǧyn üi baǧdarlamalarynyŋ tetıkterı jäne t.b. turaly bıluge bolady.
