«Qazaqstandyqtardyŋ ekologiialyq mädenietın köteru qajet» deidı baitaqtyqtar. Almaty qalasynda jasyldar partiiasynyŋ ökılderı, Mäjılıs pen qalalyq mäslihat deputattyǧyna ümıtkerler studenttermen bırıgıp, ekologiialyq tärbienıŋ maŋyzy jaiynda döŋgelek üstel ötkızdı.
Partiia ökılderı qazaqstandyqtar arasynda ötkızgen saualnama nätijiesınde halyqtyŋ tek 47 % qorşaǧan ortanyŋ mäselelerın tüsınıp, ekologiialyq ömır süru saltyna köşu arqyly ǧana ony şeşuge bolatynyn tüsınetının anyqtaǧan. «Baitaq» partiiasynyŋ qoldauymen ūiymdastyrylǧan auqymdy ıs-şaraǧa Almaty jastarynyŋ jüzge juyq ökılı qatysty. Döŋgelek üstelde Qazaqstan Respublikasy Parlamentı Mäjılısınıŋ deputattyǧyna kandidattar Arman Qaşqynbekov pen Ainūr Säbitova söz söiledı. Sonymen qatar, kezdesuge elordalyq mäslihattyŋ jasyldar partiiasynan deputattyǧyna kandidattar men Astana qalasy ştabynyŋ müşelerı, 18 jastan asqan jastar, studentter men qoǧamdyq pıkır köşbasşylary qatysty. Kezdesu barysynda halyqqa ekologiialyq bılım beru jaiynda ūsynystar äzırlenıp, baitaqtar osy taqyrypta jaŋa joba ūsynatyn bolady.
Elordadaǧy №2-sailau okrugınde ötken kezektı kezdesude tūrǧyndar Arqanyŋ alty ai qysynda aulalardaǧy qalyŋ qardyŋ uaqtyly kürelmeitının, köktaiǧaq saldarynan kölık qatynasy qiyndap, jaiau jürgınşılerdıŋ jürıp-tūruyna qauıp töndıretınıne qynjylys bıldırdı. Sonymen qatar, kün jylyna bastasa boldy, erıgen qar suynan köşeler kölkıp, aulalar men balalar alaŋqaiynda aiaq alyp jüru mümkın emestıgın aşynyp aitty.
«Qytymyr qystyŋ aiazdy künderınde päterlerdegı jylu deŋgeiı edäuır tömendep, keibır köpqabatty üilerdıŋ tūrǧyndary bürseŋ qaǧyp şyǧady. Būl azdai, ystyq su da tūraqty berılmei, alaŋdauşylyq tuǧyzady».
№2 okrug tūrǧyndarynyŋ osyndai talap-tılegımen tanysqan «Baitaq» partiiasynyŋ belsendılerı tüiını tarqamaǧan tüitkılderdı ūdaiy nazarda ūstap, talaidan berı şeşımın tappaǧan şetın mäselelerdı jergılıktı atqaruşy bilıktıŋ aldyna köldeneŋ tartatynyn jetkızdı.
