Tūrǧyndardyŋ talap-tılegı tyŋdaldy
Juyrda Nūr-Sūltan qalasy mäslihatynyŋ hatşysy Erlan Kanalimov bastaǧan bır top mäslihat deputaty Baiqoŋyr audany tūrǧyndarymen kezdestı. Üş saǧatqa juyq sozylǧan kezdesude joldardy salu jäne jöndeu, su tasqynyna qarsy şaralar, sanitarlyq tazalau, apatty üilerdı süru jäne özge de özektı mäseleler talqylandy.
– Aldaǧy 4-5 aida elordany damytudyŋ bas josparyn tüzetu aiaqtalady. Būl baǧdarlamalyq qūjat elordanyŋ jaqyn bolaşaqta qalai damitynyn körsetedı. Onda eldı mekenderdıŋ tūrmysyndaǧy özgerısterge, eskı üilerdı süruge, joldar men köpırlerdı saluǧa qatysty jūmystar qamtylady, – dedı Erlan Kanalimov.
Jiynǧa memlekettık organdardyŋ, kölık jäne kommunaldyq käsıporyndardyŋ bırınşı basşylary men ökılderı arnaiy şaqyryldy. Köptegen problemaly mäseleler sol jerde şeşımın tapty. Sūraqtarǧa naqty tüsınıktemeler berıldı.
Qatysuşylardyŋ köpşılıgı belgılı bır audannyŋ ǧana emes, jalpy qalanyŋ ömırın jaqsartu boiynşa öz ūsynystaryn aşyq aitty. Osy jäne basqa da mäseleler qalalyq mäslihattyŋ jiyndarynda ǧana emes, deputattardyŋ azamattardy qabyldauda da talqylanatyn bolady.