TURİST PEN QALANY «DOSTASTYRATYN» MAMAN
Halyqaralyq mamandandyrylǧan «EKSPO 2017» körmesınıŋ bastaluyna az uaqyt qaldy. Sondyqtan elordadaǧy qyzmet körsetu sapasyn arttyruǧa järdemdesetın jūmystar barynşa belsendı jürgızılude. Būl oraida qonaq üiler men meiramhanalardy daiyndaumen qatar, şeteldık qonaqtardy mädenietımızben tanystyratyn käsıpqoi gidterdıŋ bılıktılıgın köteruge de basa nazar audarylady.
«Astana Konvenşn Biuro» JŞS qyzmetkerı Ainūr Janäbılovanyŋ aituynşa, qazır gidter men ekskursiia jetekşılerın «Recommended by EXPO 2017» baǧdarlamasyna engızu josparlanyp jatyr. Iаǧni, atalǧan mamandar qyzmet körsetu salasynyŋ käsıporyndary sekıldı ūsynylatyn bolady. Jaqyn arada būl tızımge hostelder men kölık kompaniialary kırgızıledı.
– Gidterge qoiylatyn talaptar äzırlenude. Olar memleket pen qalanyŋ tarihyn, şahardyŋ körıktı jerlerın jatqa bıletın, şet tılın jetık meŋgergen boluy tiıs. Bız qytai tılın oqytuǧa erekşe nazar audaryp otyrmyz. Öitkenı, boljam boiynşa, qonaqtar osy elden köp keluı mümkın. Būdan basqa, gidtıŋ boiynda turistı qyzyqtyratyndai ärtıstık qabıletı de boluy şart. Jalpy alǧanda, gidter elordanyŋ oŋ imidjın qalyptastyruǧa tıkelei yqpal etedı, – deidı Ainūr Janäbılova.
Bügınde Astanada gidterdıŋ käsıbilıgın joǧarylatu maqsatynda türlı treningter men kezdesuler ötkızıledı. Jiyndarǧa ǧalymdar, ölketanuşylar, geograftar şaqyrylady. Olar qala turaly egjei-tegjeilı mälımettermen bölısıp, tarihi derekterdıŋ būrmalanbauyn qadaǧalaidy.
Körmege daiyndyq aiasynda byltyr elordalyq äuejai men temırjol vokzalynda turisterge arnalǧan aqparattyq düŋgırşekter aşyldy. Onda bırınşı bolyp ırıkteuden ötken gidter qonaqtardy qarsy alyp, jatyn oryn, tamaqtanatyn jerler men jol jüru turaly aqparatty ūsynady.
Botagöz MARATQYZY
Materialdy «Astana aqşamy» gazetınıŋ astana-akshamy.kz resmi saityna sılteme jasaǧanda ǧana paidalanuǧa rūqsat etıledı.