Turizm eldı tületedı

 Keşe Astana qalasy äkımdıgınıŋ qoldauymen käsıpkerlık qyzmet pen turizm salasynda astanalyq jurnalisterdıŋ bılıktılıgın arttyru maqsatynda «Advert Optimus» JŞS ­seminar ūiymdastyrdy.

Jiynǧa «Kazakh Tourizm» ŪK» AQ basqarma töraǧasynyŋ orynbasary Temır Düisenǧaliev pen «Atameken» ūlttyq käsıpkerler palatasynyŋ qyzmet körsetu salasy departamentı direktorynyŋ orynbasary Qarlyǧaş Altaeva, telejürgızuşı Qanat Äuesbai jäne biznes salasyndaǧy sarapşylar, BAQ ökılderı qatysty.
Seminar barysynda ışkı jäne syrt­qy turizmnıŋ qazırgı hal-ahualy, atalmyş saladaǧy käsıpkerlıktı damytu üşın qandai jūmystardyŋ jasalyp jatqany söz boldy. «Atameken» ūlttyq käsıpkerler palatasy mamandarynyŋ mälımetınşe, bır jyldyŋ ışınde Astanadaǧy 1400 startap biznes kursynan ötken. Osynyŋ arqasynda sertifikatqa ie bolǧandardyŋ 70 paiyzy qyzmet körsetu salasy boiynşa jeke käsıpterın aşqan. Al öz kezegınde Temır Düisenǧaliev Qazaqstannyŋ turizm salasynda kenje qalyp jatqan tūstary köp ekenın jasyr­mady.
– Elımızde turizm salasyna maman daiyndaityn 60-tan asa oqu orny bar. Jylyna 2 myŋnan asa jas maman bıtırıp şyǧady. Bıraq olardyŋ arasynda būl salada jūmys ısteitınderı neken-saiaq. Mysaly, turizmı damyǧan elderde studentter 6 ai sabaq oqysa, 6 ai öndırıstık täjıribeden ötıp, jalaqyǧa jūmys ısteidı. Bıraq, ökınışke qarai, bızıŋ elde ondai jüie joq. Şynyn ait­qanda, bızde maman daiyndau deŋgeiı tömen. Jalpy, aldaǧy uaqytta memlekettık qyzmetkerlerdıŋ barlyǧyn gid qyzmetınıŋ kursynan ötkızu kerek, – dedı ol.
Onyŋ aituynşa, älemdegı turizm salasy damyǧan elderdıŋ bırı – İspaniia. Būl elge jylyna 82 mln turist baratyn körınedı. Alaida ispan elınıŋ tarihy men geografiialyq jaǧdaiyn jahan jūrty jaqsy bılse de, atalmyş memleket turizmın damytu üşın marketing jūmysyna jylyna milliondaǧan euro böledı eken.
– Elbasynyŋ «Ruhani jaŋǧyru» baǧdarlamasy aiasynda «Qazaqstannyŋ kielı kartasy – 100 kielı nysan» belgılengen bolatyn. Endı el tūrǧyndaryn osy kielı oryndardy aralauǧa şaqyramyz, – dedı T.Düisenǧaliev taǧy bır sözınde. Seminar soŋynda BAQ ökılderıne arnaiy sertifikattar tabys etıldı.