Qazaqstan Respublikasynyŋ Memlekettık hatşysy Gülşara Äbdıqalyqova türkı tıldes memleketterdıŋ jastar jäne sport ministrlerımen kezdesu ötkızdı.
Kezdesuge Qazaqstan Respublikasynyŋ Qoǧamdyq damu ministrı D.Käletaev, Türkiia Respublikasynyŋ Jastar jäne sport ministrı M.Kasapoglu, Türkı tıldes memleketter yntymaqtastyǧy keŋesınıŋ bas hatşysy B.Ämıreev, Äzerbaijan Respublikasynyŋ Jastar jäne sport vise-ministrı İ.İsmailov, Qyrǧyz Respublikasynyŋ Jastar, dene şynyqtyru jäne sport ısterı agenttıgınıŋ direktory Q.Amanqūlov qatysty.
Kezdesu barysynda Gülşara Äbdıqalyqova Memleket basşysy Nūrsūltan Nazarbaevtyŋ «Ūly dalanyŋ jetı qyry» atty maqalasyndaǧy «Qazaqstan – küllı türkı halyqtarynyŋ qasiettı «Qara şaŋyraǧy». Bügıngı qazaqtyŋ saiyn dalasynan älemnıŋ är tükpırıne taraǧan türkı tektes taipalar men halyqtar basqa elder men öŋırlerdıŋ tarihi üderısterıne eleulı üles qosty» degen sözderıne toqtaldy.
– Halyqaralyq arenada türkı halyqtarynyŋ tatulyǧy men bırlıgı ideiasyn nyǧaitu ısınde Türkı tıldes memleketter yntymaqtastyǧynyŋ keŋesı maŋyzdy oryn alady, – dedı Memlekettık hatşy.
Būl ūiymnyŋ qoldauymen jastar jäne sport salasynda ıs-şaralar belsendı türde ötkızılıp keledı. Baku qalasynda 2018 jylǧy säuırde tūŋǧyş ret türkı tıldes elderdıŋ studenttık oiyndary, qyrküiekte Şolpan-Ata qalasynda Köşpendılerdıŋ III düniejüzılık oiyndary ötkızıldı. Köşpendılerdıŋ IV düniejüzılık oiyndaryn 2020 jyly Türkiiada ötkızu josparlanuda.
– Jastar jyly dep jariialanǧan aldaǧy jyl Qazaqstan üşın mazmūndy bolmaq. Būl jastarǧa, olardyŋ mūŋ-mūqtajyna, Qazaqstannyŋ bolaşaǧyna erekşe köŋıl böludıŋ körınısı bolyp sanalady, – dedı G.Äbdıqalyqova.
Kezdesu soŋynda Memlekettık hatşy Gülşara Äbdıqalyqova Türkı tıldes memleketter yntymaqtastyǧynyŋ keŋesı aiasyndaǧy özara ıs-qimyldy odan ärı nyǧaitu ısınde qatysuşylarǧa tabys tıledı.
