Baspana kezegınıŋ tez jyljymaǧanyna nalyp, uaqytyn sarǧaia kütıp jürgenderdıŋ qatary az emes. Onyŋ syrtynda bas şaharymyz Nūr-Sūltan qalasyna köşıp keluşılerdıŋ legı de kün ötken saiyn arta tüsude. Sausaqpen ǧana sanarlyq az merzım ışınde elorda tūrǧyny millionnan asyp, keşegı şaǧyn qala ülken megapoliske ainalǧany – sözımızdıŋ aiqyn dälelı.
Nūr-Sūltan qalasynyŋ äkımdıgı qoldan kelgenşe baspana kezegınıŋ tezırek jyljuyna yqpal etetın bar mümkındıkterdı qarastyryp keledı. Aǧymdaǧy jyldyŋ 31 şıldesındegı körsetkış boiynşa Nūr-Sūltan qalasy boiynşa tūrǧyn üige mūqtaj jandar qatary 47099 adamdy qūraidy. Mamyr aiynda «Tūrǧyn üi qatynastary turaly» zaŋǧa özgerıster engızılıp, halyqtyŋ äleumettık osal toby sanatyndaǧy köpbalaly otbasylar jeke topqa bölıngenı quanarlyq jaǧdai boldy. Būl degenımız – köpbalaly otbasylardyŋ baspana zarynyŋ az uaqyt aralyǧynda şeşuıne oŋ yqpalyn tigızbek.
Üstımızdegı jyly kommunaldyq tūrǧyn üi qorynan 1634 päter beru josparlanǧan. Onyŋ 731-ı – jalǧa, 233-ı – köpbalaly otbasyǧa, 105-ı – jetım balalarǧa, 277-sı – halyqtyŋ äleumettık osal tobyna, 115-ı memlekettık qyzmetşılerge jäne biudjettık ūiymdardyŋ qyzmetkerlerıne ūsynylmaq. Onyŋ syrtynda 2020 jyly taǧy da 1640 päter ülestırıledı degen jospar bar.
Osy atalǧan joba kölemınen tysqary tolyq emes jäne köpbalaly, mügedek balalary bar otbasylar üşın «Baqytty otbasy» atty «Tūrǧyn üi qūrylys jinaq bankı» arqyly jeŋıldetılgen nesie beru baǧdarlamasy da ıske qosyldy. Būl da köpten qordalanyp qalǧan baspana mäselesınıŋ tüiının tarqatuǧa sep bolmaq. Baǧdarlama bırneşe jyl jalǧasatyn bolady. Baspanany kezekte tūrǧandar öz erkımen taŋdai alady. Bastapqy jarnanyŋ bır bölıgın jabu üşın 1 mln teŋge mölşerınde tūrǧyn üi sertifikatyn aluǧa mümkındıgı bar.
Osy oraida tılge tiek ete ketetın jaittyŋ bırı – tūrǧyn üi kezegın saraptau, retteu kezınde bırneşe adam tızımnen alynyp qalǧany ras. Oǧan sebep – ol adamnyŋ tūrǧyn üi kezegınde tūru negızı joiylǧandyǧy. Tiısınşe, kezek bırneşe adamǧa alǧa jyljydy. Baspana alu kezegınen şyǧarylǧan jan būl şeşımmen kelıspegen jaǧdaida sotqa şaǧymdanuǧa qūqyly ekenın eske salamyz. Eger sotta bärı däleldenıp, jeŋıske jetetın bolsa, sot şeşımı boiynşa qaita esepke alynady. Köŋılıŋızdı küptı etken kez kelgen saualdy Nūr-Sūltan qalasy äkımdıgınıŋ «Tūrǧyn üi qory» KMM kelıp egjei-tegjeilı maǧlūmat aluǧa äbden bolady. Äzırge bır quanarlyǧy, seŋ būzyldy. Kezek jyljydy. Baspana mäselesı qolǧa alyndy. Aldaǧy uaqytta köptegen otbasy «Tütını şyqqan üi jyly» dep jyly ärı mūntazdai taza, jaŋa baspanaǧa kırıp, şaŋyraq iesı atanady degen ümıt bar.
