Almaty mektepterınıŋ oquşylary üş jyl qatarynan ūlttyq testıleude üzdık nätije körsetıp keledı. Sonyŋ arqasynda olar respublika aimaqtarynda joǧary körsetkışke qol jetkızude. Būl turaly Almatydaǧy Ortalyq kommunikasiialar qyzmetınde ötken brifingte QR Bılım jäne ǧylym ministrı Aslan Särınjıpov mälım ettı.
«2-8 mausym aralyǧynda 155 orynda ötken ŪBT-ǧa 87600 bıtıruşı nemese olardyŋ 95% qatysty. Jüz baldan joǧary nätijenı 13100 talapker nemese 15% körsettı. Ötken jyly jüzden joǧary ball jinaǧandar 12% qūrasa, ol bügınde 3%-ǧa artqan. Eŋ joǧarǧy 125 ūpaidy 4 oquşy ielendı», – dedı ŪBT-nyŋ qorytyndysyna arnalǧan jiynda bılım ministrı.
Ministrdıŋ aituynşa, apelliasiiaǧa 402 sūraq kelıp tüsken. 14 mausymǧa deiın onyŋ 64 sūraǧy qanaǧattandyrylǧan.
Al, şektık 50 baldy 20200 talapker nemese 23% jinai almaǧan. Ötken jyly şektık balldy 27,5 myŋ oquşy nemese 28% jinai almaǧan bolatyn. Demek, körsetkış 5%-ǧa jaqsardy deuge bolady.
Jalpy, ministrlıktıŋ bergen maǧlūmaty boiynşa respublikada ortaşa ball 2,4 ballǧa artqan.
«Būl körsetkıştı ŪBT-ǧa daiyndyqtyŋ jaqsarǧanynynyŋ dälelı retınde qarastyruǧa bolady. Eger, ötken jyly ortaşa ball 74,5 balldy qūrasa, biyl ol elımız boiynşa 76,9-ǧa jettı», – dedı Aslan Särınjıpov.
– Ūlttyq bırıŋǧai testıleu qorytyndysy boiynşa, qala men auyl arasyndaǧy aiyrmaşylyq älı de 10 ball körsetkışınde saqtalyp keledı dedı ministr.
«Oblystardy jeke qarastyratyn bolsaq, barlyq öŋırdıŋ nätijesı biyl jaqsarǧan. Bırınşı orynda Almaty qalasynyŋ tülekterı tūr. Biylǧy körsetkış 92,6 ball, ötken jyly būl 86,7 balldy qūraǧan. Ekınşı orynǧa 87,5 ballmen Astana qalasy ornalasty. Üşınşı orynda – Aqtöbe oblysy. Odan keiın Batys Qazaqstan, Aqmola, Qostanai oblystary säikesınşe ornalasqan», – dedı QR Bılım jäne ǧylym ministrı.
Onyŋ aituynşa, ŪBT qorytyndysy boiynşa ortaşa ball qalada da, auylda da ösken. Bıraq, qala men auyl arasyndaǧy 10 ball aiyrmaşylyq älı de saqtalyp keledı.
«Ötken jyly qaladaǧy ortaşa ball 79 bolsa, biyl 81,5 ball, al auylda byltyr būl körsetkış 70,3 baldy qūraǧan bolsa, biyl ortaşa ball – 72,19», – dedı Aslan Särınjıpov.
