2019 jyly elordada 52 problemalyq nysan boldy. 2020 jyldyŋ qorytyndysy boiynşa 20 üidıŋ problemasy şeşıldı. Būl – 2700 ülesker. 2021 jyly 8 nysan qūrylysy aiaqtalyp, 7 myŋdai ülesker baspanalaryna ie boldy. Osy jyldyŋ soŋyna deiın 11 nysandaǧy qalǧan 40 üidı aiaqtau josparlanǧan. Būl – şamamen 3 myŋ ülesker. Qazır qalǧan problemalyq nysandarda qūrylys-montajdau jūmystary jürgızılıp jatyr.
Astana qalasy mäslihatynyŋ qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiiasynyŋ üleskerlık qūrylys mäselelerıne arnalǧan otyrysynda būl turaly Qalalyq orta sapasy jäne baqylau basqarmasynyŋ basşysy Däulet Dosqūlov aitty. Ūzaqqa sozylǧan qūrylystardy aiaqtau jūmysy jaiynda ökılettı organ «Elorda qūrylys kompaniiasy» JŞS bas direktory Ruslan Qadesov tolyǧyraq baiandady.
– 2021-2023 jyldary 10528 üleskerdı qūraityn problemaly 33 nysandaǧy 170 üidıŋ qūrylysyn aiaqtaudy josparladyq. Qazır qūrylysty aiaqtau merzımı keşıktırılıp jatqany turaly köp eskertu aitylyp jatyr. Sol üşın mynany aitqym keledı: keibır nysandardyŋ jobalyq-smetalyq qūjattamasy bolmady; kei üidıŋ qaŋqasy ǧana tūrdy. Bız jūmysty qabyldaǧanda aldyndaǧy qūrylys saluşynyŋ kemşılıkterı anyqtaldy. Olardy jöndeuge tura keledı. Oǧan da qanşama uaqyt ketedı. Qūrylys materialdarynyŋ qymbattauy da nysandardy paidalanuǧa beru merzımıne kerı äserın tigızdı. Bır aita keterlıgı, jobalyq-smetalyq qūjattamaǧa tüzetu engızu barysynda qūrylys jūmystary toqtaidy. 2023 jyly qalǧan 11 nysandy aiaqtau josparlandy. Būl – 2026 ülesker, – dedı Ruslan Qadesov.
Qalalyq mäslihat hatşysy Erlan Kanalimov ülestık qūrylys mäselesı öte maŋyzdy ekenın aita kele, būl turaly Amanat partiiasynyŋ sailaualdy baǧdarlamasynda da aitylǧanyn, jergılıktı biudjetten oǧan qomaqty qarjy bölıngenın atap öttı.
– Üleskerler mäselesı 2023 jylǧa deiın şeşıluı tiıs edı. Jyl aiaqtaluǧa jaqyn. Alaida obektivtı jäne subektivtı sebepterge bailanysty biyl bırqatar problemalyq nysandar aiaqtalmai qalatyn boldy. 2019 jyly 14500 ülesker bolǧan. Üş jylda 11 myŋ üleskerdıŋ mäselesı şeşıldı. Sonda 3500 ülesker qaldy, – degen hatşy qalǧan 7 tūrǧyn üi keşenı boiynşa jüretın jūmystar kestesı bar ma dep sūrady. Nesie jelılerın qaitarudyŋ qarjylyq modelıne közqarasyn jetkızdı. Paidalanuǧa berılgen problemaly nysandardyŋ injenerlık infraqūrylymyna da mūqiiat bolu kerektıgın aitty. Keibır üleskerler qalalyq mäslihatqa şaǧymdanǧanyn aityp, sonyŋ ışınde «Bolaşaq baspana» tūrǧyn üi-qūrylys kooperativı jūmysy turaly sūrady. Vaikų stovyklos, Chemijos, biologijos, matematikos, lietuvių kalbos korepetitoriai, anglų kalbos pamokos https://intellectus.lt/
Ruslan Qadesovtıŋ mälımdeuınşe, osy jyldyŋ jeltoqsan aiynda 1500 ülesker päterlerınıŋ kıltterın alady. Al kelesı jyldyŋ bırınşı toqsanynan qalǧan 2 myŋ üleskerge baspanalary berıle bastaidy.
