ÜI HAIUANATTARYN TIRKETU KEREK
Mäslihattyŋ Qūrylys, ekologiia, kölık, sauda jäne tūrǧyn üi-kommunaldyq şaruaşylyq mäselelerı jönındegı tūraqty komissiiasynyŋ qoǧamdyq tyŋdalymy öttı. Kün tärtıbı boiynşa Astana qalasy Auyl şaruaşylyǧy basqarmasynyŋ basşysy Ardaq Dosanov baiandama jasap, qaladaǧy itter men mysyqtardy asyrau erejesı turaly mälımet berdı.
Esterıŋızde bolsa, ötken jyldyŋ qazanynda üi haiuanattaryn ūstau tärtıbı mäslihatta qaralǧan bolatyn. Sonyŋ nätijesınde qoldanystaǧy erejenıŋ talaptaryn jetıldıru jönınde deputattar tarapynan ūsynystar aitylyp, qaita qarauǧa jıberılgen edı. Bügıngı qoǧamdyq tyŋdalymda osy qūjat qaita köterılıp, köpşılık talqysyna tüstı.
Atap aitqanda, it ielerıne qatysty naqty talaptar aiqyndalyp, üide it ūstau, köpşılık jerlerde qydyrtuǧa qatysty erejege talaptary küşeitıletın bolady. Baiandamaşy haiuandarǧa qasaqana qiianat körsetken, baqylausyz itterdıŋ sanyn köbeitıp, ainalasyndaǧy sanitarlyq jaǧdaidy būzǧandarǧa jauapkerşılıktı arttyru qajettıgın aitty. Tärtıp talabyn būzǧan jaǧdaida salynatyn aiyppūl mölşerı qaita qaraluda eken.
Būl rette it ielerınıŋ jauapkerşılıgın arttyratyn şaralar arqyly qaladaǧy qaŋǧybas itterdıŋ sanyn kemıtuge, olardyŋ türlı auru taratyp, qalalyqtarǧa qauıp keltırmeudıŋ jolyn qarastyru qajettıgı aityldy.
Bügınde «Astanavetservis» ūiymynda üi haiuanattaryn tırkeu jürgızıledı.
Onda tırkelgen 18 882 üi januarlarynyŋ 14 myŋnan astamy itter eken.
Elordadaǧy üi haiuanattaryn ūstauǧa qatysty ötken jyly 1894 it pen mysyq ielerı äkımşılık jauapqa tartylyp, 1,3 mln teŋge aiyppūl salynǧan. Haiuanattardy tyiym salynǧan oryndarda tūmyldyryqsyz qydyrtyp, ömırge qater keltırgen 1760 adamǧa eskertu jasalynǧan. Jyldam jäne tiımdı ädıstıŋ naqty tetıgı zaŋnamada körsetılmegen sebeptı, tärtıp būzǧan it ielerın jauapkerşılıkke tartudyŋ amalynyŋ bosaŋdyǧy osy otyrysta köterıldı.
Qoǧamdyq tyŋdalymda köterılgen mäselelerdıŋ bırı it ūstau erejelerın nasihattau maqsatyndaǧy aqparattyq jūmystardyŋ jaiy boldy. Eger şeteldık täjıribege süiensek, Germaniia siiaqty bırqatar Europa elderınde it ūstaǧany üşın arnaiy salyq töleidı. Angliia tūrǧyny üiınde it asyraǧysy kelse, lisenziia alady, ol üşın arnaiy daiyndyqtan ötıp, emtihan tapsyrady eken.
Qoǧamdyq tyŋdalymǧa qatysqan qalalyq kinologiialyq ūiymdardyŋ ökılderı qaŋǧybas itterdı aulau kezınde qatygezdıkpen emes, jūmysty örkeniettı jolmen ūiymdastyru qajettıgıne män berdı.
Aigül UAISOVA