Elordada «Qazaqstandaǧy üi qyzmetkerlerınıŋ eŋbek naryǧyndaǧy jaǧdaiy men olardy qorǧau mäselelerı» taqyrybyna arnalǧan keŋes öttı. Oǧan elımızdegı Qyzyl Ai Qoǧamy, Käsıpodaqtar Federasiiasy «BŪŪ-Äielder», Densaulyq saqtau jäne äleumettık damu ministrlıgı sekıldı bırqatar memlekettık mekemeler men ükımettık emes ūiymdardyŋ ökılderı qatysty.
Rasy kerek, elımızde üi qyzmetşılerınıŋ qūqyǧy dūrys saqtalmaidy. Ol jaiynda köp mysal keltıruge bolady. Jiynda osy taqyryp keŋırek talqylandy.
– Bızdıŋ memleket te üi qyzmetkerlerı eŋbegın retteudıŋ erekşelıkterı eŋbek kodeksınde qaralǧan. Onda eŋbek kelısım-şartyn jasau jäne būzumen jūmys uaqyty sekıldı erejeler naqty anyqtalǧan. 2011 jyly Halyqaralyq eŋbek ūiymynyŋ bas konferensiiasynda üi qyzmetşılerınıŋ laiyqty jūmysy turaly №189 konvensiia qabyldanǧan edı.Ol halyqaralyq normalar men mındettemelerden tūrady. Bügıngı taŋda osy konvensiia talaptary men mazmūnyn tüsındıru jūmystaryn jürgızudı qolǧa aldyq. Äzırşe, ol konvensiiany älemnıŋ 12 elı ǧana qabyldaǧan. Bızdıŋ elımızge jūmys ızdep keletın migranttar köp bolǧandyqtan jäne jeke tūlǧaǧa jaldanyp jūmys ısteitın azamattar qūqyǧyn qorǧau üşın Qazaqstanda osy konvensiiany qabyldauy kerek, – deidı QR Käsıpodaqtar federasiiasy töraǧasynyŋ orynbasary Gülnär Jūmageldieva.
Jalpy, onyŋ aituynşa, elımızde barlyq jūmysşylardyŋ ışınde üi qyzmetşılerınıŋ sany şamamen 15 paiyzdy qūraidy.
Jiyn barysynda täuelsız sarapşy, zaŋ ǧylymdarynyŋ kandidaty Säniia Särsenova migrant üi-qyzmetkerlerın tiımdı qorǧau boiynşa ūsynymdardy tanystyrdy.
A. QŪSAIYN
